„არ შეიძლება ერთხელ უკვე ჩატარებული არჩევნების ხელმეორედ ჩატარება, აქ წითელი ხაზია გავლებული და შეთანხმება ამ ხაზზე ვერ გაივლის“, - ამის შესახებ „ქართული ოცნების“ წევრმა მიხეილ სარჯველაძემ ჟურნალისტებს განუცხადა.

მისივე თქმით, ჩატარებულ არჩევნებთან დაკავშირებით რაიმე სერიოზული ეჭვები არ ყოფილა და შესაბამისად მისი ხელმეორედ ჩატარების საკითხიც არ განიხილება.

ამასთან სარჯველაძე აცხადებს, რომ მოხარულია ოპოზიცია-მთავრობას შორის დაწყებული მოლაპარაკებების გამო და იმედი აქვს, რომ ეს შედეგის მომცემი აღმოჩნდება.

“უპირველეს ყოვლისა უნდა ვთქვათ, რომ უშუალოდ დეტალებს და პირობებს, რომელიც შესაძლოა მოლაპარაკების მაგიდასთან განხილვის საგანი იყოს იმაზე მეტს ვერ ვისაუბრებთ, რაც ისედაც ცხადია, მაგრამ მე მახარებს ის ფაქტი, რომ ოპოზიციის მხრიდანაც გაისმის მოლაპარაკების დაწყებასთან დაკავშირებით ხმები, ძალიან სასურველი იქნებოდა, რომ შედეგი დამდგარიყო, თუმცა იქ სადაც წითელი ხაზია გავლებული, რომელიც ხელმეორედ არჩევნების ჩატარებას გულისხმობს, ვფიქრობთ რომ ეს წარმოუდგენელია და ამაზე შეთანხმების ხაზი ვერ გაივლის. არ შეიძლება ერთხელ ჩატარებული არჩევნების გადახედვა, რევიზია, ხელმეორედ ადამიანებისთვის კითხვა თუ რა არის მათი არჩევანი, რადგან ერთხელ ჩატარებულ არჩევნებთან დაკავშირებით რაიმე საფუძვლიანი ეჭვი და გაუგებრობა არ ყოფილა.

აქედან გამომდინარე მე ვფიქრობ, რომ განსახილველი სხვა საკითხები უნდა იყოს, რომელთან დაკავშირებითაც მიმდინარეობს მუშაობა იმისათვის რომ საერთო კონსენსუსამდე მივიდეთ, ეს არის დღევანდელი მოცემულობა და იმედი მაქვს ოპოზოცია უახლოეს მომავალში ჩამოყალიბდა იმასთან დაკავშირებით თუ როგორი იქნება მათი ზოგადი დამოკიდებულება მიმდინარე პროცესებთან დაკავშირებით“, - განაცხადა მიხეილ სარჯველაძემ.

ავტორი: ექსპრესნიუსი,

სოციალური ქსელები

კრაკოვის ცენტრში სროლის შედეგად დაღუპულთა რიცხვი ხუთამდე გაიზარდა

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა

აშშ სანქციებს უწესებს რვა კანადურ გაცვლით კომპანიას ირანთან კავშირების გამო