8 წლის განმავლობაში მიჩვეული ვართ, რომ ქართული მხარე რუსეთისგან თითის ქნევით ისმენს საყვედურებს, - ასე ეხმაურება „ნაციონალური მოძრაობის“ ერთ-ერთი ლიდერი, ზაალ უდუმაშვილი ზურაბ აბაშიძესა და გრიგორი კარასინს შორის გამართულ მოლაპარაკებებს, რომლის შემდეგაც რუსეთის საგარეო უწყებამ განცხადება გაავრცელა.

მისი თქმით, სწორედ ეს არის საქართველოს ხელისუფლების პოზიცია რუსეთთან დაკავშირებით.

„ძალიან სამწუხაროა, როდესაც რუსული მხარისგან ვიღებთ ინფორმაციას, თუ რას შეეხებოდა რეალურად ეს საუბარი და რაზე იყო მოლაპარაკებები. ტრადიციულად, 8 წლის განმავლობაში მიჩვეული ვართ, რომ ქართული მხარე რუსული მხარისგან თითის ქნევის რეჟიმში ისმენს საყვედურებს და შეურაცხმყოფელ განცხადებებს. სამწუხაროდ, ეს არის დღეს ჩვენი ხელისუფლების პოზიცია რუსეთთან დაკავშირებით. სწორედ ამიტომ არის, რომ სადამდეც გასდის, იმდენს ბედავს რუსეთი“, - განაცხადა ზაალ უდუმაშვილმა.

ცნობისთვის, რუსმა დიპლომატმა, გრიგორი კარასინმა და რუსეთის საკითხებში საქართველოს პრემიერ-მინისტრის სპეციალურმა წარმომადგენელმა, ზურაბ აბაშიძემ ვიდეოკონფერენციის ფორმატში 2019 წლის ზაფხულში ანტირუსული პროვოკაციები განიხილეს. ამასთან, რუსეთის საგარეო უწყების განცხადებით, ზურაბ აბაშიძესა და გრიგორი კარასინს შორის გამართულ შეხვედრაზე, დადასტურდა 2019 წლის ზაფხულში ქართველი ნაციონალისტების მიერ მოწყობილი კარგად ცნობილი ანტირუსული პროვოკაციის ნეგატიური შედეგების აღმოფხვრის ორმხრივი განწყობა.

ავტორი: ექსპრესნიუსი,

სოციალური ქსელები

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა