ქარელში, საცხოვრებელ ბინაში ორი ახალგაზრდა მამაკაცი გარადაცვლილი იპოვეს

2020-11-27 09:48:09, 513 ნახვა

საზოგადოება

ქარელში, რუსთაველის ქუჩაზე მდებარე საცხოვრებელი კორპუსის ერთ-ერთ ბინაში, ორი ახალგაზრდა მამაკაცი გარდაცვლილი იპოვეს.

არსებული ინფორმაციით, ახალგაზრდების გარდაცვალება სავარაუდოდ ბუნებრივი აირის გაჟონვამ გამოიწვია.

ამასთან, სახლში მყოფი კიდევ ერთი ახალგაზრდა მამაკაცი სასწრაფო დახმარების ბრიგადამ საავადმყოფოში გადაიყვანა.

ცხედრები ექსპერტიზაზე გადაასვენეს და მათი გარდაცვალების ზუსტ მიზეზს, ექსპერტიზა დაადგენს.

აღნიშნული ინფორმაცია „ექსპრესნიუსს“ შინაგან საქმეთა სამინისტროში დაუდასტურეს და განუცხადეს, რომ ფაქტზე გამოძიება სისხლის სამართლის კოდექსის 116-ე მუხლის, მეორე ნაწილით დაიწყო, რაც გაუფრთხილებლობით სიცოცხლის მოსპობას გულისხმობს, ჩადენილი ორი ან მეტი პირის მიმართ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან