შალვა ნათელაშვილი - პარლამენტი არ არსებობს, არსებობს კუპრის ქვაბი, სადაც მოიხარშებიან ივანიშვილები და კობახიძეები

2020-11-20 11:20:11, 314 ნახვა

პოლიტიკა

პარლამენტი არ არსებობს, არსებობს კუპრის ქვაბი, სადაც მოიხარშებიან ივანიშვილები, მდინარაძეები და კობახიძეები, - ამის შესახებ „ლეიბორისტული პარტიის“ ლიდერმა, შალვა ნათელაშვილმა ევროკავშირის და აშშ-ის ელჩებთან შეხვედრის დაწყებამდე განაცხადა.

მისი თქმით, ოპოზიცია პარლამენტში შესვლას არ გეგმავს.

„ალბათ, ერთი ჩიკოტალო იყო ცნობილი მანიაკი მკვლელი, რომელმაც 54 ბავშვი მოკლა, ხოლო მეორე არის ქალბატონი ჟვანია, რომელმაც საქართველო მოკლა არაერთხელ, ივანიშვილის დავალებით.

პარლამენტში ოპოზიციის ფეხი არ იქნება. პარლამენტი არ არსებობს იმიტომ, რომ ხალხს ის არ აარჩევინეს. რეალურად არსებობს კუპრის ქვაბი, სადაც მოიხარშებიან ივანიშვილები, მდინარაძეები, კობახიძეები და მთელი ბერბიჭაშვილების შემადგენლობა“, - განაცხადა შალვა ნათელაშვილმა.

ცნობისთვის, ოპოზიციური პარტიები დღეს ევროკავშირისა და აშშ-ის ელჩებთან შეხვედრებს გამართავენ.

ავტორი: ექსპრესნიუსი,