პარტია „გირჩის“ ლიდერის, ზურაბ ჯაფარიძის განცხადებით, აშშ-ის სახელმწიფო მდივნის მოადგილემ, ფილიპ რიკერმა ოპოზიციას ინსტიტუტების გამოყენებით ბრძოლის გაგრძელება შესთავაზა.

როგორც ჯაფარიძემ აღნიშნა, ქვეყანაში ინსტიტუტების გამოყენებით ბრძოლა უშინაარსოა.

„შეხვედრის მიზანი იყო მოესმინა უშუალოდ ოპოზიციური პარტიის წარმომადგენლების მხრიდან, როგორ ვაფასებთ სიტუაციას ჩატარებულ საპარლამენტო არჩევნებთან დაკავშირებით, რა ხედვა გვაქვს და რა სამოქმედო გეგმა გვაქვს. მან გაგვიზიარა საკუთარი ხედვები და პოზიციებიც.

არანაირი პირდაპირი მოწოდება არ ყოფილა ბოიკოტის შეწყვეტაზე. ეს შეუძლებელიც არის, თუმცა მისი მხრიდან შემოთავაზებული იყო, ხომ არ ჯობია, ინსტიტუტების გამოყენებით სცადოთ გაგრძელება ბრძოლის, რაზეც ჩვენ ავუხსნით, რომ ამ ქვეყანაში ინსტიტუტები არ არსებობს. შესაბამისად, ის, რაც შეიძლება მუშაობდეს ნებისმიერ განვითარებულ ქვეყანაში, საქართველოში უბრალოდ არ არსებობს. ამიტომ, ინსტიტუტების გამოყენებით ბრძოლა უშინაარსოა. თავს ხომ არ მოვიტყუებთ?

შევეხეთ მოლაპარაკებების მეორე რაუნდს, რა სიტუაციები იყო იქ, რით დასრულდა საბოლოო ჯამში. შევეხეთ იმასაც, რომ ველოდებით მესამე რაუნდს, სადაც ხელისუფლების ხელშია ბურთი. დღევანდელ შეხვედრაზე ოპოზიცია იყო ისეთივე ერთიანი,  როგორც წინა მოლაპარაკებებზე“, - განაცხადა ზურაბ ჯაფარიძემ.

ცნობისთვის, ოპოზიციური პარტიები სასტუმრო „შერატონ მეტეხი პალასში“ აშშ-ის სახელმწიფო მდივნის მოადგილეს, ფილიპ რიკერს შეხვდნენ.

ავტორი: ექსპრესნიუსი,

სოციალური ქსელები

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს