„ყველაფერი მიანიშნებს იმაზე, რომ სააკაშვილისგან კონკრეტული პარტიები და პოლიტიკოსები დამოუკიდებლობას მოიპოვებენ“, - ამის შესახებ „ქართული ოცნების“ აღმასრულებელმა მდივანმა ირაკლი კობახიძემ განაცხადა.

მანვე აღნიშნა, რომ ამ ეტაპზე ჯერ კიდევ ძლიერია მიხეილ სააკაშვილის გავლენა ოპოზიციაზე.

„ეს არის მათი დამოკიდებულების გამოვლინება ჩვენი დასავლელი პარტნიორების მიმართ, თუმცა იმედს ვიტოვებთ, რომ ისინი შეიცვლიან პოზიციას და ამ ოპტიმიზმის მყარი საფუძველიც გვაქვს.

ოპტიმიზმის საფუძველი გვაქვს სხვადასხვა გარემოებიდან გამომდინარე, მათ შორის საჯაროდ დგინდება, რომ გარკვეული მზაობა პარლამენტში შესვლასთან დაკავშირებით კონკრეტულ პოლიტიკოსებს აქვს. ჩვენ ვთქვით, რომ არის გარკვეული პროცესები ოპოზიციის შიგნით. დღეს, სამწუხაროდ, ჯერ კიდევ ძლიერია სააკაშვილის გავლენა ოპოზიციონერ პოლიტიკოსებზე, თუმცა ყველაფერი მიანიშნებს იმაზე, რომ სააკაშვილისგან კონკრეტული პარტიები და პოლიტიკოსები დამოუკიდებლობას მოიპოვებენ. სააკაშვილს აქვს ორი ძლიერი რესურსი - ხალხისგან მოპარული ფული და მედია რესურსი, რომელიც ამავე ფულს უკავშირდება. ამით ახერხებს ის ოპოზიციაზე კონტროლის შენარჩუნებას“, - განაცხადა კობახიძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს