„ჩვენ არავის მივცემთ უფლებას თავს დაესხას ჩვენს დემოკრატიას და დემოკრატიულად ჩატარებულ არჩევნების შედეგებს“, - ამის შესახებ პარლამენტის თავმჯდომარემ არჩილ თალაკვაძემ განაცხადა.

მან ასევე აღნიშნა, რომ „ქართული ოცნება“ მზად არის დიალოგისთვის.

„ცესკომ სრული წესების დაცვით, ოპოზიციისა და დამკვირვებლების ჩართულობით გადათვალა ის უბნები, სადაც იყო კითხვის ნიშნები.

უნდა აღინიშნოს, რომ ეუთომ გუშინ განაცხადა, რომ საპარლამენტო არჩევნები ჩატარდა კონკურენტულ გარემოში, ფუნდამენტური უფლებების სრული დაცვით.

ეს არჩევნები ჩატარდა გლობალური პანდემიის პირობებში, ეს არ იყო ადვილი, თუმცა საქართველომ შესძლო დემოკრატიული არჩევნების ჩატარება.

ჩვენ ვემზადებით მეორე ტურებისთვის, ვემზადებით ასევე ახალი პარლამენტის მუშაობისთვის, რომელიც იქნება უფრო პლურალისტური.

ჩვენი საზოგადოების გაერთიანებისთვის ჩვენ მზად ვართ საუბრისთვისა და მუშაობისთვის. თუ ამის შესახებ ვინმეს სჭირდება მოწოდება, ეს არის ოპოზიცია, განსაკუთრებით მათი დესტრუქციული ნაწილი.

ისინი დიალოგის ნაცვლად სახელმწიფო ინსტიტუტებზე თავდასხმით სცადეს მიეღწიათ მიზანს, თუმცა სამართალდამცავებმა დიდი მოთმინებითა და კანონის სრული დაცვით უპასუხეს ამ გამოწვევას.

ჩვენ არვის მივცემთ უფლებას თავს დაესხას ჩვენს დემოკრატიას და დემოკრატიულად ჩატარებულ არჩევნების შედეგებს“, - განაცხადა არჩილ თალაკვაძემ.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს