ირაკლი კობახიძე - მნიშვნელოვანია საელჩოების მოწოდება, ყველა პარტიამ აიღოს პასუხისმგებლობა ქმედითი პარლამენტის ფუნქციონირებაზე

2020-11-08 12:22:27, 521 ნახვა

პოლიტიკა

მნიშვნელოვანია, რომ ჩვენი საერთაშორისო პარტნიორები ოპოზიციას მოუწოდებენ, შეკრების თავისუფლებით, მშვიდობიანი ფორმითა და კოვიდთან დაკავშირებული რეგულაციების გათვალისწინებით იმოქმედონ, – ამის შესახებ „ქართული ოცნება-დემოკრატიული საქართველოს“ აღმასრულებელმა მდივნმა, ირაკლი კობახიძემ პარტიის ოფისში გამართულ ბრიფინგზე განაცხადა.

ამასთანავე, კობახიძს განცხადებით, მმართველი გუნდი მზადაა არჩევნებთან დაკავშირებულ ყველა სადაო საკითხს ნათელი მოჰფინოს.

„გვინდა გამოვეხმაუროთ აშშ-ს საელჩოსა და ევროკავშირის წარმომადგენლობის გუშინდელ ერთობლივ განცხადებას, მნიშვნელოვანია, რომ ჩვენი საერთაშორისო პარტნიორები ოპოზიციას მოუწოდებენ შეკრების თავისუფლებით მშვიდობიანი ფორმითა და კოვიდთან დაკავშირებული რეგულაციების გათვალისწინებით იმოქმედონ. ასევე, მნიშვნელოვანია საელჩოების მოწოდება, ყველა პოლიტიკური პარტიის მიმართ, რათა აიღონ პასუხისმგებლობა ქმედითი პარლამენტის ფუნქციონირების უზრუნველყოფაზე.

ჩვენ გამოვთქვამთ მზადყოფნას ხელი შევუწყოთ შეკრების უფლების სათანადო რეალიზებას და არჩევნებთან დაკავშირებული ყველა სადაო საკითხისთვის ნათელის მოფენას - განაცხადა ირაკლი კობახიძემ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან