ძალიან გადაეღალათ გონება „ქართულ ოცნებაში“, დღეს 8 საათის შემდეგ ექნებათ დასვენების საშუალება, - ასე ეხმაურება „ევროპული საქართველოს“ ლიდერი, დავით ბაქრაძე, ირაკლი კობახიძის განცხადებას, რომ „ევროპული საქართველო“ აპირებს ხელოვნური რიგები შექმას საარჩევნო უბნებთან 8 საათზე.

„მინდა გამოვეხმაურო ქართული ოცნების ბრიფინგს და იმ ბრალდებას, რომელიც მივისმინეთ ევროპული საქართველოს მისამართით.

დიახ, ქართულმა ოცნებამ გაშიფრა ჩვენი ჩანაფიქრი, ჩვენ ჩამოყვანილი გვყავს რამდენიმე ასეულ ათასი მოქალაქე ისლანდიიდან, ახალი ზელანდიიდან და სხვა ქვეყნებიდან, აქამდე დამალული გვყავს საიდუმლო საცავში და ზუსტად 8 საათზე გავხსნით საცავის კარს და ამ ადამიანებს მივუშვებთ უბნებთან, რათა როგები შეიქმნას ხელოსვნურად.

როგორც ჩანს ძალიან გადაეღალათ გონება ქართულ ოცნებაში და დღეს 8 საათის შემდეგ ექნებათ დასვენების საშუალება.

ამიტომ, თითოეულ მოქალაქეს კიდევ ერთხელ მოვუწოდებ, რომ მოვიდნენ არჩევნებზე და ეს დაპირისპირება და მუდმივი დაშინება დღეს 8 საათზე უნდა დაასრულონ და ხვალიდან ერთად ვიცხოვროთ ახალ საქართველოში, ახალი შესაძლებლობებითა და პერსპექტივით. გისურვებთ ცვლილებებს“, - განაცხადა ბაქრაძემ.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს