"პატრიოტთა ალიანსის" გლდანის მაჟორიტარი დეპუტატობის კანდიდატმა მერაბ ჭიქაშვილმა 2008 წელს გასაჯაროებულ პატიმრების წამებისა და არაადამიანური მოპყრობის ამსახველ კადრებთან დაკავშირებით ისაუბრა და ხაზგასმით აღნიშნა, რომ შეუძლებელია კადრების ისე დადგმა და ინსცენირება, რომ მასში მონაწილეობას ციხისა და დეპარტამენტების უფროსებს, მინისტრების მოადგილეებს აღებინებდე.

მერაბ ჭიქაშვილის თქმით, სწორედ "ქართული ოცნების" დამსახურებაა, რომ დღეს ამ კადრების სიყალბეზე ალაპარაკდნენ.

"თითოეული ვიდეოჩანაწერის გახსენება მძიმე სტრესს აყენებს იმ ადამიანებს, ვინც თავის დროზე წინ აღუდგა "ნაციონალური მოძრაობის" რეჟიმს. როდესაც საუბრობენ, რომ ეს კადრები არის დადგმული, ისმის კითხვა - როგორ შეიძლება კადრების ისე დადგმა და ინსცენირება, რომ მასში მონაწილეობა მიაღებინო ციხის უფროსობას, დეპარტამენტების უფროსებს, მინისტრის მოადგილეებს? რაც არ უნდა დიდი ფინანსური შესაძლებლობა მქონოდა, როგორ მოვახერხებდი მე მსგავსი სცენების დადგმას, სადაც მონაწილეობას მივაღებინებდი მაშინდელ მაღალი თანამადებობის პირებს? როგორ წარმოგიდგენიათ ამის დადგმა?! 2012 წლის კადრები დადგმული რომ ყოფილიყო, ამდენი ხნის განმავლობაში სააკაშვილი თავისი ტელევიზიებით, თავისი მოსყიდული ე.წ. პოლიციელებით ამას ვერ დაამტკიცებდა?!  ერთი ადამიანი მაინც მითხარით, რომელიც იტყვის, რომ ამ ძალადობის ამსახველ კადრებში მონაწილეობისათვის ფული აიღო. ჩვენ ძალიან კარგად ვიცით, რეალურად ვის ზურგზე გადაიარა ამ კადრებმა. 300 000 ადამიანი იყო პრობაციონერი, 30 000-მა ციხე გამოიარა! სწორედ "ქართული ოცნების" დამსახურებაა, რომ დღეს ამ კადრების სიყალბეზე საუბრობენ!", - განაცხადა მერაბ ჭიქაშვილმა.

https://www.youtube.com/watch?v=d0bZPiyJPwk

ავტორი: NS (სტატია დაფინანსებულია),

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს