"აივ შიდსი დღეს უკვე მართვადი ქრონიკული დაავადებაა.  მკურნალობისა და პრევენციის საშუალებები სულ უფრო მეტად იხვეწება, მათ ნაკლები გვერდითი ეფექტები აქვთ და მკურნალობაზე მყოფი ადამიანის სიცოცხლისა და ჯანმრთელობის შენარჩუნებას ახდენენ. - ამის შესახებ "ექსპრესნიუსს" აივ აქტივისტმა ასოციაცია "ბროწეულის" ხელმძღვანელმა გოჩა გაბოძემ უთხრა.

"საქართველოში დღეს უკვე გვაქვს ერთ აბიანი კომბინირებული პრეპარატი რაც კიდევ ერთი ნაბიჯია წინ შიდსის ეპიდემიის დასასრულებლად. მკურნალობაზე მყოფი აივ დადებითი ადამიანი აღარ არის ვირუსის გავრცელების წყარო.  მკურნალობის მიღებისას ნაკლები ბარიერი ვირუსის გავრცელების შეკავების ერთადერთი საშუალებაა.
აივ შიდსის მკურნალობის  უახლესი მიღწევა ინექციური საშუალებებია, რომელიც ჯერ მაღალშემოსავლიან ქვეყნების მოქალაქეებისთვისაა ხელმისაწვდომი და ყოველდღიურად პრეპარატის მიღების ნაცვლად ყოველთვიურ ინექციას მოიცავს. აივ დადებითი ადამიანებისთვის მსგავსი სამკურნალო საშუალებები ნაკლები ბარიერია სასიცოცხლო მნიშვნელობის მკურნალობის მიღებისთვის. " - განაცხადა გოჩა გაბოძემ.

გაბოძე იმედს გამოთქვამს, რომ უახლოეს მომავალში ახალი ვაქცინა აივ ინფიცირებულთა დიდი ჯგუფისთვის იქნება ხელმისაწვდომი, მათ შორის საქართველოშიც.

შეგახსენებთ, ევროპის წამლის სააგენტომ  (EMA)  პირველად გასცა რეკომენდაცია აივ მკურნალობის ინექციურ საშუალებაზე. ახალი ინექციური სამკურნალო საშუალება, რომელიც 2 მედიკამენტის კომბინაციისაგან შედგება ( რილპივირინი  x  კობოტეგრავირი) რეკომენდირებულია ევროპის წამლის სააგენტოს კომიტეტის მიერ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს