„კრიტიკულ მედიასთან დაკავშირებით კარგად ხედავთ, საკმაოდ კრიტიკულებიც ხართ, ხშირ შემთხვევაში ზღვარგადასული შეფასებებიც ისმის კონკრეტული მედიისაგან, მაგრამ არავის არასოდეს არ შეუზღუდავს“, - ამის შესახებ პარლამენტის თავმჯდომარის პირველმა მოადგილემ გია ვოლსკიმ ჟურნალისტის კითხვის პასუხად განაცხადა, თითქოს ტვ პირველის დამფუძნებლის მამის მიმართ იყო მუქარა  სარედაქციო პოლიტიკის შეცვლის მოთხოვნით.

მისი შეფასებით, ეს არის მოგონილი აბსურდი, რომელსაც ლოგიკაც კი არა აქვს, მაგრამ ამ აბსურდის ტირაჟირება არის ჩამოყალიბებული სტრატეგიული გეგმა, რასაც წარმატებით ახორციელებენ კონკრეტული ტელევიზიები.

„რაც შეეხება ორი ადამიანის შეხვედრას, წარმომიდგენია რა იდიოტი უნდა იყოს ნებისმიერი, ვინც შეხვდება კონკრეტულ ადამიანს და სარედაქციო პოლიტიკის შეცვლას მოითხოვს და თან იმედი ექნება, რომ ამასთან დაკავშირებით დამფუძნებელი იქნება თუ ნებისმიერი სხვა, მით უმეტეს ტელევიზია, რომლის სარედაქციო პოლიტიკასაც კარგად ვიცნობთ, შეიცვლის პოზიციას.  ეს არის მოგონილი აბსურდი, რომელსაც ლოგიკაც კი არა აქვს, რომ საფუძვლად დაედოს ვინმემ შეაცვლევინოს სარედაქციო პოლიტიკა ლისის ტბაზე თუ კუს ტბაზე დახვედრით ადამიანს, ეს არის აბსურდი, მაგრამ ამ აბსურდის ტირაჟირება არის ჩამოყალიბებული სტრატეგიული გეგმა, რასაც წარმატებით ახორციელებენ კონკრეტული ტელევიზიები. ეს ხომ ბანალური ჭეშმარიტებაა, რომ სახელის გატეხვას ცდილობენ ადამიანების, რომლებიც ხელისუფლებაში იმყოფებიან და რომლებმაც მიაღწიეს ძალიან მაღალ მაჩვენებელს მედია თავისუფლების რეიტინგებში, იმდენად მაღალ მაჩვენებელს, რომ წინ უსწრებენ ბევრ განვითარებულ დემოკრატიულ სახელმწიფოს“, - განაცხადა გია ვოლსკიმ, რომლის თქმით, კონკრეტული ტელევიზიების სტრატეგიული მიზანი არის ხელისუფლებისათვის ჩრდილის მიყენება და ამ მიზანს არანაირი გამართლება არ აქვს.​

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს