ეს იყო კარგად დაგეგმილი სპეცოპერაცია და არ იყო მხოლოდ ერთი მონაწილე, გარედანაც ჰყავდა მას დამხმარეები, - ამის შესახებ ენმ-ს ერთ-ერთმა წევრმა, ხატია დეკანოიძემ განაცხადა.

მისივე თქმით, ხელისუფლებამ ვერაფერი გააკეთა, რომ ადეკვატური პასუხი გაეცა თავდამსხმელისთვის.

„ეს იყო სრული ქაოსი, გაუგებრობა და ბოლოს ეს ქაოსი დაგვირგვინდა იმით, რომ გაიტაცა ფული, მძევლები და პოლიციელები, რაც მძიმე საყურებელი იყო და გაიქცა. მე ვფიქრობ, ეს იყო კარგად დაგეგმილი სპეცოპერაცია და არ იყო მხოლოდ და მხოლოდ ერთი მონაწილე, ალბათ ესე ჩანდა, რომ გარედანაც ჰყავდა მას დამხმარეები.

სამწუხაროდ, ხელისუფლებამ ვერაფერი გააკეთა იმისთვის, რომ ადეკვატური პასუხი გაეცა მისთვის, კარგია ნამდვილად და ერთი რაც შეგვიძლია ვთქვათ, ყველაზე მნიშვნელოვანია რომ მსხვერპლით არ დასრულდა“, - განაცხადა ხატია დეკანოიძემ.

შეგახსენებთ, გუშინ შეიარაღებულმა პირმა ზუგდიდის ბანკში 40-ზე მეტი ადამიანი მძევლად აიყვანა. დღის მეორე ნახევარში, მან მძევლ;ების თავისუფლების სანაცვლოდ  ნახევარი მილიონი დოლარი მოითხოვა. მრავალსაათიანი მოლაპარაკებების შემდეგ, დაახლოებით 22:00 საათზე, თავდამსხმელმა სამი მძევლის თანხლებით ბანკის შენობა დატოვა. ამ დროისთვის თავდამსხმელის ადგილსამყოფელი უცნობია.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს