კოვიდი არის პრობლემა, მაგრამ ეს მთავრობა კოვიდზე უფრო დიდი პრობლემაა თუ ნაკლები, ჯერ კიდევ საკითხავია - კაპანაძე არჩევნების გადადებაზე

კოვიდი არის პრობლემა, მაგრამ ეს მთავრობა კოვიდზე უფრო დიდი პრობლემაა თუ ნაკლები, ჯერ კიდევ საკითხავია, - ასე ეხმაურება „ევროპული საქართველოს“ საარჩევნო შტაბის ხელმძღვანელი, სერგი კაპანაძე, არჩევნების შესაძლო გადადებას.

მისი თქმით, „ევროპული საქართველოს“ მყარი პოზიციია, რომ არჩევნები ჩატარდეს 31 ოქტომბერს, ყველა მოთხოვნის დაცვით, რადგან საზოგადოებას აღარ სურს, რომ ამ მთავრობას დაელოდოს, გააკეთებენ თუ არა რაიმეს.

როგორც მან აღნიშნა, ჯერ კიდევ საკითხავია, რომელი უფრო დიდი პრობლემაა, კოვიდი თუ ივანიშვილის ხელისუფლება.

„ „ევროპული საქართველოს“ ძალიან მყარი პოზიციაა, რომ ეს არჩევნები უნდა ჩატარდეს ახლა და ხელისუფლება უნდა დამარცხდეს და რომ ჩვენ არ გვაქვს იმის მოთმინების უნარი, საზოგადოებაზე მაქვს საუბარი ამ შემთხვევაში და თავს მივცემ უფლებას საზოგადოების სახელით ვისაუბრო, რომ კიდევ რამდენიმე წელი ველოდოთ ამ მთავრობას და მითუმეტეს გადადებული არჩევნების პირობებში გაურკვეველი ვადით კიდევ ველოდოთ, რომ რაიმეს გააკეთებენ.

სრულიად ნათელია საზოგადოების დამოკიდებულება, ყველას სურს გარდამტეხი ცვლილებები, რათქმაუნდა კოვიდი არის პრობლემა, მაგრამ ეს მთავრობა კოვიდზე უფრო დიდი პრობლემაა თუ ნაკლები, ჯერ კიდევ საკითხავია.

ამიტომ, ამ არჩევნებზე, ყველანი უნდა მივიდეთ მაქსიმალური დაცვით იმ მოთხოვნების, რომლებიც არის დაწესებული და ეს მთავრობა და ივანიშვილი გავუშვათ ოპოზიციაში და მერე მივხედოთ იმ დიდ პრობლემებს, რომლებიც არის ქვეყანაში, დაწყებული კოვიდოთ, გაგძელებული იმ ეკონომიკური უძრაობით და ვარდნით და დამთავრებული იმ ჭაობით, რომელშიც აღმოვჩნდით.

ამიტომ, ჩვენ ვართ კატეგორიული წინააღმდეგი გადადების, ეს ამბავი უნდა მორჩეს 2 კვირაში და ეს 2 კვირა ყველამ როგორღაც უნდა გავიჭირვოთ, რომ მერე ვიაროთ წინ, წინააღმდეგ შემთხვევაში ამ ქვეყანას ექნება ძალიან ცუდი მომავალი“, - განაცხადა კაპანაძემ.   

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს