2020-10-13 11:44:08, 659 ნახვა
პოლიტიკა
„ლელომ“ პრემიერ-მინისტრობის კანდიდატად მამუკა ხაზარაძე დაასახელა
პოლიტიკურმა პარტიამ „ლელო - საქართველოსთვის“ პრემიერ-მინისტრობის კანდიდატად მამუკა ხაზარაძე დაასახელა.
ამის შესახებ პარტიის წევრმა, დავით უსუფაშვილმა ბრიფინგზე განაცხადა.
როგორც მან აღნიშნა, პარტია პრემიერ-მინისტრობის კანდიდატად წარადგენს არა ახალ სახეს, არამედ ახალ ძალას.
„დღეს ჩვენ საზოგადოებას წარვუდგენთ „ლელო-საქართველოსთვის“ კანდიდატს საქართველოს პრემიერ-მინისტრობის თანამდებობაზე. ჩვენ წარმოვადგენთ არა ახალ სახეს, არამედ ახალ ძალას, ახალ შემართებას და ენერგიას, ახლებურ მიდგომას და მმართველობას. ჩვენ საქართველოს პრემიერ-მინისტრის თანამდებობაზე ვთავაზობთ ევროპული სტილის ქართველ პატრიოტს, მამუკა ხაზარაძეს“, - განაცხადა უსუფაშვილმა.
ავტორი: ექსპრესნიუსი,
epn.ge (@expressnews.ge)
