პრეზიდენტი: საქართველოში ვნახეთ ნდობის სამკუთხედი - თავდადებული ექიმები, მოქნილი ხელისუფლება და პასუხისმგებლიანი საზოგადოება

2020-10-09 18:01:20, 643 ნახვა

პოლიტიკა

საქართველოში ვნახეთ ნდობის სამკუთხედი - თავდადებული ექიმები, მოქნილი ხელისუფლება და მაღალი პასუხისმგებლობის მქონე საზოგადოება, - ამის შესახებ საქართველოს პრეზიდენტმა სალომე ზურაბიშვილმა განაცხადა.

მისი თქმით, რაც ამ დრომდე COVID-19-მა გვასწავლა არის ის, რომ საჭიროა, ერთობლივი ძალისხმევა, სოლიდარობა და სოციალური პასუხისმგებლობა.

„რაც ამ დრომდე COVID-19-მა გვასწავლა არის ის, რომ საჭიროა, ერთობლივი ძალისხმევა, სოლიდარობა და სოციალური პასუხისმგებლობა, რათა გადავლახოთ მსოფლიოში არსებული ყველაზე რთული გამოწვევები. მათთან მარტო გამკლავების ძალა არავის შესწევს.

საქართველოში ჩვენ ასევე ვნახეთ, ის რასაც მე ნდობის სამკუთხედს ვუწოდებ - თავდადებული ექიმები, მოქნილი ხელისუფლება და მაღალი პასუხისმგებლობის მქონე საზოგადოება, რომლებსაც ერთმანეთის სჯეროდათ, ერთად მუშაობდნენ და სწრაფად ასრულებდნენ რეკომენდაციებს, რამაც განაპირობა ჩვენი თავდაპირველი წარმატება”, -განაცხადა პრეზიდენტმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან