თბილისის მერიასთან გამართულ აქციაზე დაკავებული პირები გაათავისუფლეს

2020-10-05 17:18:03, 573 ნახვა

სამართალი

თბილისის მერიასთან გამართულ აქციაზე დაკავებული პირები გაათავისუფლეს. გათავისუფლებულთა შორის არის „სტრატეგია აღმაშენებლის" გენერალური მდივანი, პაატა მანჯგალაძე.

მანჯგალაძის თქმით, დაკავება იყო უკანონო.

„თავიდანვე დაკავება იყო უკანონო. მე ვარ „სტრატეგია აღმაშენებლის“ მესამე ნომერი და საარჩევნო კოდექსის მიხედვით ვსარგებლობთ იმუნიტეტით. ამიტომ ის რაც სამართალდამცავებმა გააკეთეს იყო არაკანონიერი“, - განაცხადა მაჯგალაძე.

ცნობისთვის, თბილისის მერიასთან ხმაური იყო. აქციაზე "სტრატეგია აღმაშენებლის" აქტივისტები და დეპუტატობის კანდიდატი, პაატა მანჯგალაძე დააკავეს.

აქციის მონაწილეები „სტრატეგია აღმაშენებლისთვის“ გამოწერილ ჯარიმებს აპროტესტებდნენ და მერიაში შესაბამისი განცხადების შეტანა სურდათ, თუმცა ამის უფლება აქტივისტებს სამართალდამცავებმა არ მისცეს.

მოგვიანებით მერიან განცხადება გააკეთა, სადაც ნათქვამი იყო, რომ მერიასთან ჯარიმების გასაპროტესტებლად მისული „სტრატეგია აღმაშენებელი“ ისევ დაჯარიმდა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან