2020-09-28 15:17:37, 571 ნახვა
სამართალი
გურჯაანში 24 წლის ბიჭი დაჭრეს - სავარაუდო ბრალდებული დაკავებულია
გურჯაანის მუნიციპალიტეტის სოფელ კარდენახში 24 წლის ბიჭი დაჭრეს.
შემთხვევა გვიან ღამით მოხდა.
გავრცელებული ინფორმაციით, შემთხვევას წინ თანასოფლელებს შორის სიტყვიერი დაპირისპირება უძღოდა.
დაჭრილი სასწრაფო დახმარების ჯგუფმა „ჯეო ჰოსპიტალსის“ საავადმყოფოში გადაიყვანა. ექიმის თქმით, პაციენტის მდგომარეობა სტაბილურია.
როგორც „ექსპრესნიუსს“ შინაგან საქმეთა სამინისტროში განუცხადეს, მომხდარზე გამოძიება სსსკ-ის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს. სავარაუდო ბრალდებული დაკავებულია.
ავტორი: ექსპრესნიუსი,
epn.ge (@expressnews.ge)
