2020-09-23 22:18:39, 615 ნახვა
პოლიტიკა
National Interest - საქართველო კორონავირუსიდან დემოკრატიის კრიტიკულ ტესტამდე
"საქართველო კორონავირუსიდან დემოკრატიის კრიტიკულ ტესტამდე", - ამ სათაურით მასალა nationalinterest-ში სხვადასხვა დროს საქართველოში შეერთებული შტატების ელჩები - კენეტ იალოვიცი, ჯონ ტეფტი და უილიამ კორტნი გამოაქვეყნეს. სტატიაში ისინი ხაზგასმით აღნიშნავენ, რომ 31 ოქტომბერს, დაგეგმილ საპარლამენტო არჩევნებში რუსეთის დეზინფორმაციული კამპანია და ჩარევის მცდელობა მოსალოდნელია. "საქართველო წარმატებით გაუმკლავდა კორონავირუსის ეპიდემიას, მაგრამ ახლა უკვე 31 ოქტომბერს თავისუფალი, სამართლიანი და გამჭვირვალე საპარლამენტო არჩევნები უნდა ჩაატაროს და პანდემიის ეკონომიკური შედეგების მოგვარების ამოცანა შეასრულოს. თითოეული ჩვენგანი მუშაობდა საქართველოში აშშ-ს ელჩად და შეუძლია დაადასტუროს, რომ ქვეყანამ გრძელი გზა გაიარა დემოკრატიული და ეკონომიკური რეფორმებისკენ 1991 წლის დამოუკიდებლობის შემდეგ. მოსალოდნელია არჩევნებში რუსეთის ჩარევა, რის გამოც შეშფოთებას გამოვთქვამთ. აშშ-ს ელჩმა საქართველოში კელი დეგნანმა ორჯერ გააფრთხილა ქვეყანა, რომ ”ქართველები უნდა ელოდნენ არჩევნებში რუსეთის ჩარევას”, დეზინფორმაციულ კამპანიებსა და სხვა ძალისხმევის გამოყენება”. საზღვარგარეთ მყოფი საქართველოს ბევრი მეგობარი შეშფოთებულია ქვეყანაში ბოლოდროინდელი რეფორმების ტრაექტორიით. ამის ილუსტრაციაა პალატის ასიგნებების კომიტეტის ბოლოდროინდელი ინიციატივა აშშ-ის მიერ დახმარების 15 პროცენტით შემცირების შესახებ, იმ შემთხვევაში თუ ქვეყანა არ "გააძლიერებს დემოკრატიულ ინსტიტუტებს", არ შეუწყობს ხელს კორუფციასთან ბრძოლას და დაიცავს უცხოურ ბიზნესებს საქართველოში. საარჩევნო კამპანია ახლა დაიწყო, მაგრამ არსებობს გარკვეული ხარვეზები. რეპორტიორები საზღვრებს გარეშე გამოთქვამენ შეშფოთებას იმის გამო, რომ ”კლიმატი ხდება დამამძიმებელი საქართველოს მედიისთვის” სასამართლო შევიწროებისა და გამკაცრებული კანონმდებლობის შედეგად და საკომუნიკაციო კანონში გადატანილი ცვლილებები ”რადიოსადგურების და ტელეარხების კონტროლის აშკარა სურვილს წარმოაჩენს”, - ვკითხულობთ სტატიაში. ავტორი: ექსპრესნიუსი, განათლების კოალიცია - ვუერთდებით სამოქალაქო და მედია ორგანიზაციების პეტიციას - ღირსების შემლახავ რეესტრში არ დავრეგისტრირდებით
კანადა უკრაინას საბრძოლო თვითმფრინავების წარმოებისთვის 2,3 მილიონ დოლარზე მეტს გამოუყოფს
14 სენატორი კობახიძეს „უცხოური გავლენის გამჭვირვალობის შესახებ“ კანონპროექტის უკან გაწვევისკენ მოუწოდებს
ბაიდენი - აშშ მიმდინარე კვირაში უკრაინისათვის იარაღის გაგზავნას დაიწყებს
|
ომი უკრაინაშიკანადა უკრაინას საბრძოლო თვითმფრინავების წარმოებისთვის 2,3 მილიონ დოლარზე მეტს გამოუყოფს
უკრაინის დაზვერვა - მოსკოვის აეროდრომზე რუსების ვერტმფრენი Ka-32 გავანადგურეთ
უკრაინამ აბრამსის ტანკები ფრონტის ხაზიდან საბრძოლო დრონების გამო გაიყვანა - AP
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|