საქართველო საგარეო საქმეთა სამინისტრო აცხადებს, რომ ყველა პირობა არსებობს იმისთვის, რომ საზღვარგარეთ საპარლამენტო არჩევნების ჩატარების ყველა წინაპირობა არსებობს.

მინისტრის მოადგილემ ისაუბრა იმაზეც, თუ რა შემთხვევაში შეუძლია საზღვარგარეთ მყოფ საქართველოს მოქალაქეს არჩევნებში მონაწილების მიღება და განაცხადა, რომ ამისთვის აუცილებელია პირი საკონსულო აღრიცხვაზე იმყოფებოდეს.

„საგარეო საქმეთა სამინისტრო აქტიურად თანამშრომლობს ცესკოსთან, რათა საზღვარგარეთ მყოფმა საქართველოს მოქალაქეებმა შეძლონ არჩევნებში მონაწილეობის მიღება. საგარეო საქმეთა სამინისტრო აკვირდება თითოეულ ქვეყანაში არსებულ ეპიდემიოლოგიურ ვითარებას და მის ხელთ არსებულ ინფორმაციას გადასცემს ცესკოს. საზღვარგარეთ არჩევნების ჩატარების ყველა წინაპირობა არსებობს. იმისთვის, რომ საქართველოს მოქალაქემ არჩევნებში მონაწილეობა მიიღოს, აუცილებელია იმყოფებოდეს საკონსულო აღრიცხვაზე. აღრიცხვაზე დადგომა შესაძლებელია არა უგვიანეს მიმდინარე წლის 10 ოქტომბრისა.

დღევანდელი მონაცემებით საკონსულო აღრიცხვაზე იმყოფება 52 765 საქართველოს მოქალაქე. საკონსულო აღრიცხვაზე ყველაზე მეტი საქართველოს მოქალაქე იმყოფება საბერძნეთში, ზერბაიჯანში, აშშ-ში, უკრაინასა და ესპანეთში“, - განაცხადა მინისტრის მოადგილემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა

აშშ სანქციებს უწესებს რვა კანადურ გაცვლით კომპანიას ირანთან კავშირების გამო

კრემლმა აბუ-დაბიში უკრაინის საკითხზე სამმხრივი მოლაპარაკებებისთვის რუსეთის დელეგაციის შემადგენლობა გამოაცხადა