ოზურგეთში თანამედროვე, მაღალტექნოლოგიური დანადგარებით აღჭურვილი, საერთაშორისო სტანდარტების მქონე „გეოპლანტის“ ჩაის შესაფუთი საწარმო გაიხსნა. ახლადგახსნილი საწარმო საქართველოს პრემიერ–მინისტრმა დაათვალიერა და იმედი გამოთქვა, რომ ქართული ჩაის ხარისხი, წარმოების დონე, მათ შორის, დაფასოების სტანდარტი კარგი საფუძველი იქნება ჩაის წარმოების, ექსპორტის გაზრდისა და ამ დარგის განვითარებისთვის. „ჩაის წარმოების აღდგენა ჩვენი მთავრობის ერთ-ერთი მთავარი მიმართულებაა. ჩემი დავალებით სოფლის მეურნეობის სამინისტრო ჩაის წარმოების განვითარების პროგრამაზე მუშაობს, რომელიც უახლოეს მომავალში მთავრობის სხდომაზე დამტკიცდება. ჩვენ ვაპირებთ, ქართული ჩაის წარმოება მაქსიმალურად ავაღორძინოთ და ხელი შევუწყოთ ამ დარგის წახალისებას საქართველოში. ეს გამოიწვევს პლანტაციების აღდგენას,“–განაცხადა ირაკლი ღარიბაშვილმა. პრემიერის თქმით, ჩინეთში ვიზიტის დროს, ჩინური მხარე საქართველოდან ჩაის ექსპორტით დაინტერესდა. 1300 კვ/მეტრზე განთავსებული „გეოპლანტის“ ჩაის შესაფუთი საწარმო პროგრამა - „აწარმოე საქართველოს“ ფარგლებში დაფინანსდა. კომპანია, საწარმოს ამოქმედებიდან ორი წლის განმავლობაში, ჯამურად 570 ტონა დაფასოებული ჩაის წარმოებას გეგმავს და 60-ზე მეტი დასახელების პროდუქტს აწარმოებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი გაეროს გენერალურ ასამბლეაზე სიტყვით გამოვიდა და განაცხადა, რომ რვა ომი დაასრულა

ანი ნადარეიშვილი, ბაჩო ახალაიას ცოლი „ნაციონალური მოძრაობის“ პოლიტსაბჭოს წევრი გახდა

მოსამართლე გიორგი არევაძემ გაამართლა თურქი ბიზნესმენი, რომელმაც 20 წლის ფეხბურთელი გოგონა გაუპატიურებაში ადანაშაულებდა

პროკურატურა - გურჯაანში 60 წელს გადაცილებული მამაკაცი რამდენიმე წლის განმავლობაში, ძალადობით, არასრულწლოვნის მიმართ სექსუალური ხასიათის ქმედებებს ახორციელებდა, შემდეგ კი გააუპატიურა