„ევროპული საქართველოს“ საარჩევნო შტაბის ხელმძღვანელი, სერგი კაპანაძე, „ედისონ რისერჩის“ კვლევას ეხმაურება.

მისი თქმით, კვლევაში ჩანს, რომ ხელისუფლების მხარდაჭერამ იკლო და გაიზარდა ოპოზიციური ძალების რეიტინგი, მათ შორის, ევროპული საქართველოს.

როგორც კაპანაძემ აღნიშნა, როგორც ამ კვლევაში, ისე სხვა კვლევებში, ჩანს, რომ ხალხს აქვს გარდამტეხი ცვლილებების მოლოდინი.

„ამ კვლევაში ჩანს რამდენიმე საინტერესო ტენდენცია, პირველი ის, რომ შემცირდა ქართული ოცნების მხარდაჭერა და გაიზარდა ოპოზიციური ძალების რეიტინგი და მათ შორის „ევროპული საქართველოს“ მხარდაჭერამაც ერთი პუნქტით აიწია ზევით.

მეორე რაც ჩანს, არის ის, რომ განწყობა მთავრობის მიმართ არის ძალიან ნეგატიური და 60%-მდეა იმ ადამიანების რაოდენობა, რომლებიც ამბობენ, რომ ქვეყანა არასწორი მიმართულებით ვითარდება და რომლებიც ამბობენ, რომ შემდეგ ხელისუფლებაში არ უნდა იყოს ქართული ოცნება და უნდა იყონ სხვა პოლიტიკური ძალები.

მაჟორიტარული ოლქების ანალიზი გვაძლევს საშუალებას ვთქვათ, რომ ისეთ ოლქებში, სადაც შეთანხმებული კანდიდატები არიან, მათ აქვთ ძალიან კარგი შანსი, რომ დაამარცხონ ქართული ოცნება.

საბოლოო ჯამში, ეს კვლევა, ისევე როგორც სხვა კვლევები, აჩვენებს, რომ ხალხში არის ცვლილებების მოლოდინი და ამ ადამიანებს, რომელთაც აქვთ მოლოდინი, ამბობენ, რომ არჩევნებზე მიდიან, შესაბამისად, ძალიან დიდი აქტივობა იქნება, რაც ნიშნავს, რომ ივანიშვილის ხელისუფლება, რომელმაც ძალიან დიდი უბედურება მოიტანა ამ ქვეყნისათვის, დასრულდება ოქტომბრის საპარლამენტო აღცევნებზე“, - განაცხადა სერგი კაპანაძემ.  

შეგახსენებთ, რომ Edison Research-ის კვლევის მიხედვით, რომელიც ტელეკომპანია „ფორმულამ“ დაუკვეთა,  საპარლამენტო არჩევნებში „ქართულ ოცნებას“ ხმას გამოკითხულთა 38% მისცემდა, „ერთიან ნაციონალურ მოძრაობას“ - 15%, „ევროპულ საქართველოს“ - 6%, ხოლო 23% ამბობს, რომ არ გადაუწყვეტია, ვის მისცემდა ხმას.

ავტორი: ექსპრესნიუსი,

სოციალური ქსელები

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა

აშშ სანქციებს უწესებს რვა კანადურ გაცვლით კომპანიას ირანთან კავშირების გამო

კრემლმა აბუ-დაბიში უკრაინის საკითხზე სამმხრივი მოლაპარაკებებისთვის რუსეთის დელეგაციის შემადგენლობა გამოაცხადა