ემზარ კვიციანი თავისუფალია

2015-01-28 17:05:10, 293 ნახვა

კოდორის ხეობაში პრეზიდენტის ყოფილი რწმუნებული, ემზარ კვიციანი, სასამართლო დარბაზიდან გაათავისუფლეს.

ქუთაისის სააპელაციო სასამართლოს მოსამართლემ დაცვის მხარესა და პროკურატურას შორის დადებული საპროცესო შეთანხმება დაამტკიცა.

შეგახსენებთ, ემზარ კვიციანი 2006 წლიდან, სამხედრო ამბოხებისა და ტერორისტული აქტების მოწყობის ბრალდებით იძებნებოდა. მას ჯერ კიდევ წინა ხელისუფლების დროს, პატიმრობა დაუსწრებლად შეეფარდა. 2014 წლის 28 თებერვალს კი, საქართველოში თავად ჩამოვიდა და სამართალდამცველებს ჩაბარდა. კვიციანს 17 ნოემბერს ზუგდიდის რაიონულმა სასამართლომ 12 წლით თავისუფლების აღკვეთა მიუსაჯა.აღსანიშნავია, რომ კვიციანს თავდებში 35 დეპუტატი და გენერლები დაუდგნენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან