2020-08-24 14:33:45, 1706 ნახვა

---

აზერბაიჯანის საგარეო საქმეთა მინისტრი - ვწუხვარ შატილის გზაზე მომხდარი ავარიის გამო, ჩვენი მხარდაჭერა და სოლიდარობა მეგობარ ქართველებს

აზერბაიჯანის საგარეო საქმეთა მინისტრი, ჯეიჰან ბაირამოვი შატილის გზაზე მომხდარი ტრაგედიის გამო ქართველ ხალხს სამძიმარს უცხადებს.

ამის შესახებ ბაირამოვი სოციალურ ქსელ „ტვიტერში“ წერს.

აზერბაიჯანის საგარეო საქმეთა მინისტრი საქართველოს სოლიდარობას უცხადებს.

„ძალიან ვწუხვარ საქართველოში, დუშეთის მუნიციპალიტეტში, შატილის გზაზე მომხდარი ავტოსაგზაო შემთხვევის გამო. ვუსამძიმრებთ  უბედური შემთხვევის შედეგად დაღუპულთა ოჯახებს და დაშავებულებს სწრაფად გამოჯანმრთელებას ვუსურვებთ. ჩვენი მხარდაჭერა და სოლიდარობა მეგობარ ქართველებს!“, - წერს აზერბაიჯანის საგარეო საქმეთა მინისტრი.

ცნობისთვის, 23 აგვისტოს, დუშეთის მუნიციპალიტეტში, სოფელ ბისოს სიახლოვეს მომხდარი ავტოსაგზაო შემთხვევის შედეგად 17 ადამიანი გარდაიცვალა, 3 კი მძიმედ დაშავდა. მიკროავტობუსი 80 მეტრის სიმაღლიდან კლდოვან ფერდობზე გადავარდა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი