„ნაციონალური მოძრაობა“ და მისი „კლასტერი“ ქვეყნისთვის საფრთხის მატარებელია, - ამის შესახებ უმრავლესობის წევრმა, ირაკლი სესიაშვილმა განაცხადა.

მისივე თქმით, წინა ხელისუფლების წარმომადგენლებმა საარჩევნო კამპანია არა „რაღაცა ბაქიბუქით“, არამედ ბოდიშით უნდა დაიწყონ.

ირაკლი სესიაშვილის განცხადებით, ცხრა წლის გახსენებაზე პასუხისმგებლობა, პირველ რიგში, იმ ადამიანებს ეკისრებათ, ვინც ქვეყნისა და ხალხის წინაშე მძიმე დანაშაულები ჩაიდინა.

„მათი საარჩევნო კამპანია უნდა დაიწყოს არა რაღაცა ბაქიბუქით, არამედ ხალხისთვის ბოდიშის მოხდით. ამ რვა წლის განმავლობაში ერთხელ არ მოუხდიათ ბოდიში იმიტომ, რომ არ აქვთ განცდა, რომ დანაშაული ჩაიდინეს. ისინი სახელმწიფოს ღალატს კომპრომისს არქმევენ. ასეთი ხალხისგან პრეტენზიები, რატომ ვახსენებთ წარსულს, იმიტომ, რომ მათი წარსული არის მათივე მომავალი. როგორც აზროვნებენ და რა პოლიტიკური იდეოლოგიაც ჰქონდათ მათი მმართველობის დროს, აბსოლუტურად იგივე დამოკიდებულება აქვთ ყველა საკითხის მიმართ. ცხადია, მათთვის და ჩვენი საზოგადოებისთვის ამის შეხსენება ერთგვარი პრევენციაა

ჩვენი მთავარი გამოწვევა ჩვენი ქვეყნის პრობლემები, საზოგადოების წინაშე არსებული გამოწვევები, სოციალურ-ეკონომიკური და უსაფრთხოების საკითხებია. მთლიანად ვართ კონცენტრირებული ამ ყველაფერზე, თუმცა თავისთავად ცხადია, გვწამს და გვჯერა, რომ „ნაციონალური მოძრაობა“ და მისი „კლასტერი“ ქვეყნისთვის საფრთხის მატარებელია, გამომდინარე იმ ფაქტებიდან, რაც წინა ხელისუფლებამ ქვეყნისა და ხალხის წინაშე ჩაიდინა. ეს ფაქტებითაა დამტკიცებული, არ არის მხოლოდ პოლიტიკური შეფასებები. საზოგადოებას, რომელსაც ყოველდღიური გამოწვევები აქვს, უნდა შევახსენოთ, რომ თუ ეს ძალა მოვიდა, პრობლემებს შეუქმნის. მათ ხელისუფლებაში მოსვლის შანსი არ აქვთ“, - აღნიშნა ირაკლი სესიაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აშშ სანქციებს უწესებს რვა კანადურ გაცვლით კომპანიას ირანთან კავშირების გამო

კრემლმა აბუ-დაბიში უკრაინის საკითხზე სამმხრივი მოლაპარაკებებისთვის რუსეთის დელეგაციის შემადგენლობა გამოაცხადა

ზელენსკი აშშ-ის არჩევნებში გამარჯვებული დემოკრატებისგან უკრაინისადმი მხარდაჭერის გაზრდას იმედოვნებს

დიდმა ბრიტანეთმა ორბიტაზე ახალი სამხედრო თანამგზავრი გაუშვა