2020-08-13 11:14:25, 1039 ნახვა
საზოგადოება
პრემიერის განცხადებით, სტიქიით დაზარალებულ რაჭაში ინფრასტრუქტურა 2021 წლის გაზაფხულამდე სრულად აღდგება
პრემიერ-მინისტრი გიორგი გახარია აცხადებს, რომ რაჭაში, სადაც მძიმე სტიქია მოხდა, მიმდინარეობს ინფრასტრუქტურული სამუშაოები.
როგორც გიორგი გახარიამ მთავრობის სხდომაზე აღნიშნა, სრულფასოვანი აღდგენა 2021 წლის გაზაფხულამდე მოხდება.
„მოგეხსენებათ, რაჭაში გვქონდა საკმაოდ მასშტაბური და მძიმე სტიქია, მიმდინარეობს შედეგების აღმოფხვრა. საბედნიეროდ, მოსალოდნელზე სწრაფად მოხდა პირველადი სამუშაოების დასრულება, რაც ნიშნავს, რომ მოწყვეტილ სოფლებს, ამ ეტაპზე, მიეწოდებათ როგორც წყალი, ასევე ელექტროენერგია.
სტიქიის მასშტაბებიდან გამომდინარე, როგორც ჩანს, სრულფასოვან აღდგენას დაჭირდება დრო, 2021 წლის, გაზაფხულამდე“, - განაცხადა გიორგი გახარიამ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
