2020-08-11 10:08:06, 1270 ნახვა
საზოგადოება
შინდისის ტრაგედიიდან დღეს 12 წელი გავიდა
12 წელი გავიდა მას შემდეგ, რაც შინდისის უთანასწორო ბრძოლაში 2008 წლის 11 აგვისტოს 17 ქართველი ჯარისკაცი დაიღუპა.
ზუსტად 12 წლის წინ რკინიზგის სადგურთან მეორე ქვეითი ბრიგადის ოცეული რუსეთის 53-ე არმიის პირისპირ აღმოჩნდა. ქართველ მებრძოლებს საბრძოლო მასალა ამოეწურათ. ჯარისკაცებმა კი ტყვედ ჩაბარებას სიკვდილი არჩიეს. მათ ერთადერთი დარჩენილი ყუმბარით თავი აიფეთქეს. შინდისთან ტრაგედიას 17 ქართველი გმირი შეეწირა.
დღევანდელ დღესთან დაკავშირებით შინდისში გმირთა მემორიალთან თავდაცვის მინისტრი, ირაკლი ღარიბაშვილი და სახელმწიგო მინისტრი შერიგებისა და სამოქალაქო თანასწორობის საკითხებში,, თეა ახვლედიანი მივიდნენ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
