გარემოს დაცვისა და სოფლის მეურნეობის სამინისტროსა და კარტოფილის საერთაშორისო ცენტრის (CIP) ორგანიზებით, ყაზბეგის მუნიციპალიტეტში გამართულ სემინარზე, კარტოფილის თესლის სავალდებულო სერტიფიცირების საკითხები განიხილეს.  სემინარი გარემოს დაცვისა და სოფლის მეურნეობის მინისტრის მოადგილემ, ხატია წილოსანმა გახსნა.

მონაწილეებმა, საერთაშორისო ექსპერტებთან ერთად, საქართველოში არსებული თესლის სერტიფიცირების სისტემაზე, სხვადასხვა ქვეყნის გამოცდილებაზე, რეკომენდაციებსა და ახალ რეგულაციებზე   იმსჯელეს.

სემინარის მონაწილეებმა,  CIP-ის სადემონსტრაციო ნაკვეთზე, აშშ-ის საერთაშორისო განვითარების სააგენტოს (USAID) პროგრამის ფარგლებში გამოყვანილი კარტოფილის ჩითილები დარგეს. აღნიშნული პროგრამა საქართველოში კარტოფილის მოყვანის ინოვაციური 3G ტექნოლოგიის შემუშავებას გულისხმობს.

ორდღიანი სამუშაო შეხვედრის ფარგლებში, გარემოს დაცვისა და სოფლის მეურნეობის მინისტრის მოადგილემ, ხატია წილოსანმა, კარტოფილის საერთაშორისო ცენტრისა (CIP) და სოფლის მეურნეობის სამეცნიერო-კვლევითი ცენტრის წარმომადგენლებთან ერთად, სოფელ სნოში კარტოფილის პირველი სამოდელო სამაცივრო საცავი „CoolBot” გახსნა და მუშაობის პრინციპებს გაეცნო. 

„ქვეყანაში მნიშვნელოვანი ნაბიჯები გადაიდგა სერტიფიცირების მიმართულებით, რაზეც აქტიურად მუშაობს  გარემოს დაცვისა და სოფლის მეურნეობის სამინისტროს სოფლის მეურნეობის სამეცნიერო-კვლევითი ცენტრი. პროექტის ფარგლებში, ხორციელდება კარტოფილის თესლის სავალდებულო სერტიფიციების სისტემის დანერგვა-შემუშავება.  პროექტის განხორციელების შედეგად, საქართველო უზრუნველყოფილი იქნება საკუთარი ხარისხიანი სათესლე მასალით. სოფლის მეურნეობაში თანამედროვე და ინოვაციური პროექტების განხორციელება უმნიშვნელოვანესია. დღევანდელი პროექტიც ერთდგვარი ინოვაცია, რომელიც გულისხმობს კარტოფილის სათესლე მასალიდან ნერგების გამოყვანას და ღია გრუნტში გადარგვას”, - განაცხადა  ხატია წილოსანმა.

აღსანიშნავია, რომ პროექტი „საქართველოში სოფლად საარსებო საშუალებების გაძლიერება: ჯანსაღი თესლის წარმოების ინტეგრირებული მიდგომის დანერგვა კარტოფილის ადგილობრივი თესლწარმოების სისტემაში“ 2017 წლიდან ავსტრიის განვითარების სააგენტოს (ADA) ფინანსური მხარდაჭერით ხორციელდება.

ავტორი: NS (სტატია დაფინანსებულია),

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”