2020-07-29 12:38:58, 6794 ნახვა
კულტურა
კახა კალაძე: დედაქალაქის მერიამ კულტურის სფეროს ხელშეწყობის მიზნით ბიუჯეტი გაზარდა
![]() თბილისის მერია აქტიურად მუშაობს კულტურის სფეროს ხელშეწყობაზე და ამ მიზნით მუნიციპალიტეტმა კულტურის ბიუჯეტი გაზარდა, - ამის შესახებ დედაქალაქის მერმა, კახა კალაძემ მუნიციპალიტეტის მთავრობის დღევანდელ სხდომაზე განაცხადა. „თბილისის მერიის პროექტების ფარგლებში, განხორციელდა ისეთი ფესტივალი როგორიცაა „არტ-გენი“, სუხიშვილების ახალი პროექტი „არტეფაქტები“, მუსიკალური პროექტი „გაითავისე ცა და ისუნთქე“, რომელიც წყნეთის ტყეში წარმატებით მიმდინარეობს. ჩვენ ამაზე არ ვჩერდებით, კულტურის ბიუჯეტი იზრდება, რათა ამ სფეროს ყველა მიმართულებას დავეხმაროთ“, - განაცხადა კახა კალაძემ. დედაქალაქის მერმა პროექტის „თბილისის ცის ქვეშ“ ფარგლებში, მუსიკალური საღამოები დაანონსა. „1 და 2 აგვისტოს, ვარკეთილის მესამე მიკრორაიონის ახლადრეაბილიტირებულ პარკში ქართული ესტრადის ვარსკვლავების მონაწილეობით ორი კონცერტი ჩატარდება. ასევე, გლდანის განახლებულ პარკში, მე-6 მიკრორაიონში, რომელიც გასულ წელს გავხსენით, 1 აგვისტოს მსმენელის წინაშე წარდგება თბილისის მერიის ბიგ-ბენდი. მუსიკალური საღამოები შემდეგ კვირას უკვე „მზიურში“, კიკვიძის პარკსა და გოძიაშვილის ბაღში გაიმართება“, - აღნიშნა კახა კალაძემ. დედაქალაქის მერმა განაცხადა, რომ აქტიური კომუნიკაცია გრძელდება ბარებისა და ღამის კლუბების მეპატრონეებთან, რათა მათ უსასყიდლოდ გამოიყენონ თავისუფალი მუნიციპალური სივრცეები დროებითი სარგებლობისთვის, ასევე ელექტრონული სცენის წარმომადგენლებთან სხვადასხვა პროექტის განხორციელების მიზნითა და ელექტრონული მუსიკის სფეროში არსებული მიღწევების შენარჩუნებისთვის.
|
კორონავირუსი - ყველა სიახლე2021-01-21 18:12:43 აზერბაიჯანში კორონავირუსის 218 ახალი შემთხვევა გამოვლინდა 2021-01-21 13:04:18 აშშ-ში კორონავირუსის 178 255 ახალი შემთხვევა გამოვლინდა, გარდაიცვალა 4 229 პაციენტი 2021-01-21 12:43:24 რუსეთში კორონავირუსის 21 887 ახალი შემთხვევა გამოვლინდა, გარდაიცვალა კიდევ 612 პაციენტი 2021-01-21 12:11:24 მთავრობამ კორონავირუსის საწინააღმდეგო ვაქცინის დანერგვის ეროვნული გეგმა დაამტკიცა 2021-01-21 11:12:18 სომხეთში კორონავირუსის 307 ახალი შემთხვევა გამოვლინდა ვიდეო/LIVE ჯო ბაიდენის ინაუგურაცია
|