შვილ მკვდარი მამების აქცია შსს-სთან გრძელდება

2020-07-23 22:00:37, 2290 ნახვა

საზოგადოება

ამ წუთებშიც შსს-სთან ყოველგვარი დაპირისპირების გარეშე აქცია ისევ მიმდინარეობს.

აქციის მონაწილეები ითხოვენ სამართლიან გამოძიებას და კითხვებზე პასუხების გაცემას.

შვილ მკვდარი მამები ერთად შეიკრიბნენ შსს-სთან, მათ შორის იყო მალხაზ მაჩალიკაშვილიც.

მან აღნიშნა, რომ სახელმწიფო ხელს აფარებს დამნაშავეებს და არ იძიებს სრულფასოვნად არც ერთ საქმეს.

„სამი წელი სრულდება, ვითხოვთ სიმართლის გარკვევას, თუმცა სახელმწიფომ ფეხებზე დამიკიდა და ყურადღებას არავინ მაქცევს.

დღეს რატომაც მოვედი აქ არის ერთი მიზეზი, როდესაც შვილი მომიკლეს, ხალხს ვთხოვე გვერდში დამდგომოდნენ, რადგან ხვალ იმავეს სხვის შვილს უზამდნენ. ბევრმა არ გაიგონა ეს, დღეს კი ვხედავთ, რომ სახელმწიფო ბავშვებს კლავს, კლავს და კლავს.

სახელმწიფო არ იძიებს, რადგან ან ქართული ოცნების ხალხი ან ქურდული სამყარო ან კიდევ თანამდებობის პირები არიან გარეული და ამ ტემპით გამოძიება არც ერთ საქმეს არ უწერია“ , - განაცხადა მალხაზ მაჩალიკაშვილმა.