23 წლის თამარ ბაჩალიაშვილის სამძებრო სამუშაოებში დღეიდან ვერტმფრენი ჩაერთვება

2020-07-22 11:16:01, 1389 ნახვა

საზოგადოება

23 წლის თამარ ბაჩალიაშვილის სამძებრო სამუშაოებში დღეიდან ვერტმფრენი ჩაერთვება. გოგონას მეხუთე დღეა ეძებენ.

გუშინ გვიან ღამით აქცია იყო ფონიჭალაში. ბაჩალიაშვილის ოჯახმა მეზობლებთან ერთად გზა გადაკეტა და სამძებრო სამუშაოებში დამატებითი ძალის ჩართვას მოითხოვდნენ.

აქციაზე პოლიციასა და მოქალაქეებს შორის დაპირისპირება მოხდა. პოლიციამ ერთი პირი ტერიტორიას გაარიდა.

შეგახსენებთ, რომ 23 წლის გოგოს, თამარ ბაჩალიაშვილის სამძებრო ღონისძიებები დღემდე გრძელდება. საქმეზე გამოძიება 163-ე მუხლით მიმდინარეობს, რაც თავისუფლების უკანონო აღკვეთას გულისხმმობს. თამარ ბაჩალიაშვილი სახლიდან რამდენიმე დღის წინ ავტომობილით გავიდა. ბოლოს გოგონა კამერებმა თეთრიწყაროს მუნიციპალიტეტის ერთ-ერთ სოფელში დააფიქსირეს.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან