2020-07-09 13:36:36, 10672 ნახვა

---

საქართველოს კალათბურთის ნაკრების კაპიტანი რუსეთის არმიის გუნდში - ბედნიერი ვარ, რომ ევროპალიგის მოქმედ ჩემპიონებს შემოვუერთდი

საქართველოს კალათბურთის ნაკრების კაპიტანი, თორნიკე შენგელია რუსეთის არმიის გუნდში, მოსკოვის „ცსკ“-აში გადავიდა.

კალათბურთელმა რუსულ გუნდთან 3 წლიანი კონტრაქტი გააფორმა.

„ცსკ“-ა შენგელიას გადასვლას „ტვიტერზე“ ქართულად გამოეხმაურა - „გელოდებით მოსკოვში“.

თორნიკე შენგელიამ აღნიშნულ ტრანსფერზე განაცხადა, რომ იმედი აქვს ქართველი ხალხი ამ ცვლილებას გაგებით მოეკიდება.

"იმედი მაქვს, რომ ჩემი ქვეყნის და ხალხის დამოკიდებულებაც ჩემ მიმართ არ შეიცვლება. ჩემს პატრიოტიზმზე და სიყვარულზე სამშობლოს მიმართ, რამე ახსნა-განმარტებების დაწყება, ცოტა უცნაურად მიმაჩნია, სიმართლე გითხრათ", - განაცხადა შენგელიამ.

ამ წუთებში საქართველოს საკალათბურთო ფედერაციის პოზიცია უცნობია.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი