„ნაციონალური მოძრაობა“ თავისი განშტოებებით, რომელიც კრიმინალური და აბსოლიტურად დეგრადიული პოლიტიკური ძალაა, რაც კიდევ ერთხელ გამოიხატა დღევანდელ კენჭისყრაში არ მონაწილეობით - ამის შესახებ, „დემოკრატიული საქართველოს“ დეპუტატმა ირაკლი კობახიძემ განაცხადა. 

მან ასევე ხაზი გაუსვა იმას, რომ „ნაციონალურმა მოძრაობამ“, კენჭისყრაზე უარის თქმით ელჩებთან დადებული შეთანხმება დაარღვია.

"პირველ რიგში მადლობა თითოეულ დეპუტატს, რომელმაც მხარი დაუჭირა დღეს საკონსტიტუციო ცვლილებებს. ეს ძალიან მნიშვნელოვანი მორიგი ნაბიჯია, საბოლოო ჯამში საკონსტიტუციო ცვლილებების დამტკიცება, ხელს შეუწყობს საქართველოში დემოკრატიული პროცესების სტაბილურ განვითარებას და ბუნებრივია თითოეული პოლიტიკური ძალა აცნობიერებს ამ ცვლილებების მნიშვნელობას, გარდა ნაციონალური მოძრაობისა, თავისი განშტოებებით, რომელიც კრიმინალური და აბსოლიტურად დეგრადიული პოლიტიკური ძალაა, რაც კიდევ ერთხელ გამოიხატა დღევანდელ კენჭისყრაში არ მონაწილეობით. მათ დადეს პირობა ელჩების წინაშე და ისინი დღეს არ ასრულებენ ამ პირობას, რაც მეტყველებს იმაზე, რომ ისინი კრიმინალური და ანტიდასავლური პოლიტიკური ძალაა", - განაცხადა კობახიძემ. 

მან ასევე აღნიშნა, რომ რურუას გათავისუფლებას არავითარი კავშირი არ აქვს 8 მარტის შეთანხმებასთან და სასამართლოს ვერავინ ვერ განუსაზღვრავს ვინ უნდა დატოვოს და ვინ გაათავისუფლოს პატიმრობიდან. 

"რურუას საკითხს არანაირი კავშირი არ აქვს 8 მარტის შეთანხმებასთან და აქედან გამომდინარე ისინი  ეძებენ საბაბს არ შეასრულონ ელჩების წინაშე დადებული შეთანხმებას, რაც კიდევ უფრო შელახავს მათ ისედაც შელახულ რეპუტაციას საერთაშორისო პარტნიორებისა და ქართველი საზოგადოების თვალში. ამითი ისინი აზიანებენ საკუთარ თავს რაც ჩვენთვის  აბსოლიტურად მისასალმებელია, რაც უფრო მეტად დაიზიანებენ საკუთარ თავს მით უფრო დაბალი მაჩვენებელი ექნებათ ოქტომბრის არჩევნებზე. 12% და 3% პარტიები იმ მაჩვენებელსაც ვერ მიიღებენ რაც აქვთ მათ დღეს", - განაცხადა ირაკლი კობახიძემ. 

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს