პარლამენტმა საკონსტიტუციო ცვლილებები მეორე მოსმენით დაამტკიცა

2020-06-23 14:00:15, 19251 ნახვა

პოლიტიკა

პარლამენტმა მეორე მოსმენით საკონსტიტუციო ცვლილებები მიიღო.

ცვლილელებს მხარი 115-მა დეპუტატმა დაუჭირა, 3 კი, წინააღმდეგი იყო.

სხდომას არ დაესწრნენ „ნაციონალური მოძრაობისა“ და „ევროპული საქართველოს“ წარმომადგენლები, შესაბამისად მათ არ მიიღეს მონაწილეობა კენჭისყრაში.

ცნობისთვის, პარტია „ევროპული საქართველოს“ დეპუტატებმა პირველ მოსმენაზე დასწრების გადაწყვეტილება მიიღეს, რადგან ელოდებოდნენ გიორგი რურუას გათავისუფლებას და რადგან აღნიშნული არ მოხდა, ისინი მეორე მოსმენას არ ესწრებიან.

2020 წლის საპარლამენტო არჩევნები შერეული სისტემით ჩატარდება. კერძოდ, საკანონმდებლო ორგანოში 120 წევრი პროპორციული, ხოლო 30 მაჟორიტარული საარჩევნო სისტემით აირჩევა. პროპორციული არჩევნები ჩატარდება 1-პროცენტიანი საარჩევნო ბარიერის პირობებში.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან