თურქეთის პარლამენტის დეპუტატის, აჰმედ კაიას განცხადებით, საქართველოს საბაჟოზე სისტემატიურად ფიქსირდება კორუფციის ფაქტები.

ოპოზიციონერი პოლიტიკოსი ირწმუნება, რომ თურქული სატვირთო მანქანების მძღოლებს საქართველოს ტერიტორიაზე არ უშვებენ მანამ, სანამ ისინი არ გადაიხდიან დიდძალ თანხებს.

ამასთან, 16 ივნისს კაიამ გამართა სპეციალური ბრიფინგი, რათა შეეტყობინებინა კორუფციის ფაქტების შესახებ საქართველოს საბაჟოზე. მან მოითხოვა, რომ თურქეთის ხელისუფლებამ გაარკვიოს აღნიშნული საკითხი.

,,რა მოხდება, თუ არ გადაიხდიან? მანქანები გადაჰყავთ ,,წითელ ზონაში", სადაც ის 10-15 დღის განმავლობაში, თითქოსდა შემოწმების მიხნით ჰყავთ გაჩერებული. იმ შემთხვევაში, თუ გადაიხდიან 1-2 ათას დოლარს, მძღოლებს შეუფერხებლად უშვებენ" - განაცხადა კაიამ.

პოლიტიკოსი არ შემოიფარგლა მხოლოდ ბრიფინგით, მან სოციალურ ქსელში გაავრცელა განცხადება, სადაც საქართველოს საბაჟო, ,,კონტრაბანდისტებს" შეადარა. ამასთანავე აღნიშნა, რომ საქართველოს საბაჟოზე ქრთამს ითხოვენ სატვირთო მანქანების მძღოლებისგან, რომლებიც საქართველოში ტრანზიტულად შედიან.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

უკრაინამ ამ კვირაში სარატოვში მეშვიდე ნავთობგადამამუშავებელი ქარხანა და ორელში ელექტრონიკის ქარხანა დაბომბა

წარსულში არსებული კონფლიქტის ნიადაგზე, მეზობლად მცხოვრები მამაკაცი გადაჭრილი თოფიდან - ე.წ. აბრეზიდან გასროლით დაჭრა, იგი დააკავეს

ბალისტიკური რაკეტების სამი ტალღა, ხიდზე დარტყმა და ენერგეტიკის სექტორი: ყველაფერი კიევზე თავდასხმის შედეგების შესახებ

ევროპულმა ტელეარხებმა ბომბის შესახებ მუქარა მიიღეს