ჩვენ ამ კანონპროექტს მხარს დავუჭერთ იმისთვის, რომ ამ  ქვეყანაში მშვიდობიანი არჩევნები ჩატარდეს, -  ამის შესახებ დამოუკიდებელმა  დეპუტატმა, ლევან გოგიჩაიშვილმა პარლამენტის იურიდიულ საკითხთა კომიტეტზე განაცხადა.

როგორც მან აღნიშნა, მიუხედავათ იმისა, რომ დამოუკიდებელი დეპუტატებიდან მმართველ გუნდს 7 ხმა ექნება, მთავრობის პასუხისმგებლობაში ეჭვი ეპარება.

„ჩვენ ამ კანონპროექტს მხარს დავუჭერთ არა რაღაც დათქმებით და გამოთქმებით, არამედ მხარს დავუჭერთ იმისთვის, რომ ამ ქვეყანაში მშვიდობიანი არჩევნები ჩატარდეს და თქვენი სისუსტის გამო არ მივცემთ პროვოკატორებს და იმ ადამიანებს, ვისაც ამ ქვეყნის სტაბილურობა არ უნდათ, საშუალებას, რომ ეს ტყუილის კასკადი ქვეყნის წინააღმდეგ გამოიყენონ. ამიტომ, ჩვენ ვაპირებთ მხარი დავუჭიროთ ამ ქვეყნის მომავალს. მიუხედავად იმისა მე მომწონს თუ არა ეს შეფარდება, ამას არ აქვს მნიშვნელობა, სიტყვა უნდა შესრულდეს და ამას აქვს ძალიან მნიშვნელოვანი პოლიტიკური მომენტი. ამ ქვეყანაში მინიმალურად რომ შევამციროთ ქვეყნის არაკეთილმოსურნეების მხრიდან სხვადასხვა განზრახვის განხორციელება, მნიშვნელოვანია, რომ ეს კანონი გავიდეს. უბრალოდ მაინტერესებს, დღეს თქვენ რამდენად იღებთ პასუხისმგებლობას, რომ როგორც მაშინ დავდექით ახალი რეალობის წინაშე, ისე რაღაც ახალი რეალობის წინაშე არ დაგვაყენებთ, როდესაც ეს საკითხი გავა კვირას? ჩვენი ფრაქციიდან 7 ხმა გვაქვს, რაც ჩვენი შესაძლებლობაა,“-განაცხადა ლევან  გოგიჩაიშვილმა.

ავტორი: ექსპრესნიუსი,

სოციალური ქსელები

უკრაინამ ამ კვირაში სარატოვში მეშვიდე ნავთობგადამამუშავებელი ქარხანა და ორელში ელექტრონიკის ქარხანა დაბომბა

წარსულში არსებული კონფლიქტის ნიადაგზე, მეზობლად მცხოვრები მამაკაცი გადაჭრილი თოფიდან - ე.წ. აბრეზიდან გასროლით დაჭრა, იგი დააკავეს

ბალისტიკური რაკეტების სამი ტალღა, ხიდზე დარტყმა და ენერგეტიკის სექტორი: ყველაფერი კიევზე თავდასხმის შედეგების შესახებ

ევროპულმა ტელეარხებმა ბომბის შესახებ მუქარა მიიღეს