ყველა უწყების ერთობლივმა ნაბიჯებმა ჩვენ მოგვცა იმის საშუალება, რომ პირველი ტალღა შევძელით და ვმართეთ, - ამის შესახებ ჯანდაცვის მინისტრმა ეკატერინე ტიკარაძემ ჯანდაცვის სამინისტროს წლიური ანგარიშის წარდგენისას განაცხადა.

მისი თქმით, ამ ეტაპზე გვაქვს პირველი ნაბიჯები იმისთვის, რათა გვქონდეს იმედი, რომ ქვეყანა კოვიდის გამოწვევას წარმატებულად გაართმევს თავს.

„მოხარული ვარ, რომ მეძლევა შესაძლებლობა მოკლედ შევაჯამო ის ერთი წელი და განსაკუთრებით ის ხუთი თვე, რომელიც ჩვენ კოვიდ პანდემიის დაწყების შემდეგ გვქონდა და ამ ეტაპზე ჩვენ ნამდვილად გვაქვს პირველი ნაბიჯები იმისკენ, რომ გვქონდეს იმის იმედი, რომ წარმატებულად გავართმევთ თავს ამ გამოწვევას.

ამ პერიოდის მანძილზე მნიშვნელოვანი იყო სისტემური მიდგომა და კოორდინაცია იმისთვის, რომ სასწრაფო გადაუდებელი დახმარების სისტემასა და  დაავადებათა ეროვნულ ცენტს ერთობლივად უხარვეზოდ  ეთანამშრომლა ჰოსპიტალურ სექტორთან. იმისათვის, რომ ჩვენს ექიმებს, სამედიცინო პერსონალს, ყველას ის საჭირო აღჭურვილობა ჰქონოდათ უზრუნველყოფილი, რომელიც საჭირო იყო მათი უსაფრთხო სამუშაო გარემოს შექმნისთვის.

ყველა ეს ქმედითი ნაბიჯი ორგანიზებული იყო სამინისტროს მხრიდან და სამინისტროს ჰქონდა წარმატებული კოორდინაცია ყველა დანარჩენ უწყებასთან. ყველა უწყების ერთობლივმა ნაბიჯებმა ჩვენ მოგვცა იმის საშუალება, რომ პირველი ტალღა შევძელით და ვმართეთ“, - განაცხადა ეკატერინე ტიკარაძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს