2020-05-18 11:31:39, 1197 ნახვა

---

სამადაშვილი - ჩვენი მოლოდინია, რომ რურუა გათავისუფლდება საპყრობილედან, რათა მხარი დავუჭიროთ საკონსტიტუციო ცვლილებებს

„ჩვენი მოლოდინია, რომ რურუა გათავისუფლდება საპყრობილედან, რათა მხარი დავუჭიროთ საკონსტიტუციო ცვლილებებს“, - ამის შესახებ „ნაციონალური მოძრაობის“ ლიდერმა, სალომე სამადაშვილმა განაცხადა.

მისი თქმით, იგივე მოლოდინი აქვს საერთაშორისო პარტნიორებსსაც.

„ჩვენი მოლოდინია, რომ გიორგი გათავისუფლდება საპყრობილედან იმისთვის, რომ ჩვენ შევძლოთ, მხარი დავუჭიროთ საკონსტიტუციო ცვლილებებს და 8 მარტის შეთანხმება ჩაითვალოს შესრულებულად. ეს მოლოდინი აქვს ჩვენს საერთაშორისო პარტნიორებს. მინდა, კიდევ ერთხელ შეგახსენოთ განცხადებები, რომელიც გაკეთდა სენატში, რომელიც გაკეთდა ევროპარლამენტში და მე მინდა, დღეს მოვუწოდო კიდევ ერთხელ ხელისუფლებას, შეწყვიტოს ჩარევა სასამართლო ხელისუფლების დამოუკიდებლობაში იმიტომ, რომ დღეს დამოუკიდებელმა სასამართლომ შეიძლება მხოლოდ ერთადერთი გადაწყვეტილება მიიღოს და ეს იქნებოდა სწორედ გიორგი რურუას პატიმრობიდან გათავისუფლება”, - განაცხადა სალომე სამადაშვილმა.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი