„პოლიტიკური კონსენსუსის საფუძველზე საარჩევნო მოდელთან დაკავშირებით მიღწეული შეთანხმება, სადაც ძალიან დიდი როლი  ჩვენმა საერთაშორისო პარტნიორებმა შეასრულეს, „ქართული ოცნების მხრიდან შესრულდება“, - ამის შესახებ იურიდიულ საკითხთა კომიტეტის თავმჯდომარემ, ანრი ოხანაშვილმა განაცხადა.

როგორც მან აღნიშნა, ამ შეთანხმების შესრულება არანაირი საფრთხის ქვეშ არ დგას.

მისივე თქმით, წარმოუდგენელი და დაუშვებელია მართლმსაჯულების სფეროში პოლიტიკის შეტანა.

„რაც შეეხება ცალკეული პოლიტიკური ჯგუფების, თუ გარკვეული პოლიტიკოსების მოწოდებებს. ერთი მხრივ, ეს ადამიანები საუბრობენ იმაზე, რომ სასამართლო სისტემაში ყოველგვარი ჩარევა დაუშვებელია და მე ამ პოზიციას სრულად ვეთანხმები. თუმცა, მეორე მხრივ, ეს ადამიანები ეწინააღმდეგებიან საკუთარ პოზიციას და ამბობენ, რომ პოლიტიკური ჯგუფი, პოლიტიკოსები უნდა ჩაერიონ სასამართლო სისტემაში და მიიღო შესაბამისი გადაწყვეტილებები. ეს ეწინააღმდეგება სამართლებრივი სახელმწიფოს პრინციპს და შესაბამისად, პოლიტიკის შეტანა მართლმსაჯულების სფეროში წარმოუდგენელი და დაუშვებელია“, - აღნიშნა ანრი ოხანაშვილმა.

ავტორი: ექსპრესნიუსი,

სოციალური ქსელები

კალასი: უკრაინასთან დაკავშირებით სამშვიდობო შეთანხმება ევროკავშირის მონაწილეობის გარეშე შეუძლებელია

სენატორმა ბერნი სანდერსმა დემოკრატებს მოუწოდა, შეწყვიტონ აშშ-ის მიერ ირანის წინააღმდეგ ომის დაფინანსება

ტრამპმა უკრაინასთან დაკავშირებით მოლაპარაკებები გამოაცხადა და ევროპის მონაწილეობით მნიშვნელოვანი შეთანხმების მიღწევა დაანონსა

გუდაურსა და კობს შორის, მისაბმელიანი და ნახევრადმისაბმელიანი ავტოტრანსპორტის მოძრაობა დროებით შეიზღუდა