დღეს პარლამენტში დეპუტატები ბიუროს სხდომას გამართავენ.

სხდომა, აღმაშენებლის დარბაზის ნაცვლად პარლამენტის კინოდარბაზში გაიმართება, სადაც ბიუროს წევრები ერთმანეთისგან დისტანცირებულად დასხდებიან.

ბიუროს სხდომა დღეს, 15:00 საათზეა დანიშნული.

13 აპრილის ბიუროს სხდომის დღის წესრიგის მიხედვით, პარლამენტს რატიფიცირებისთვის წარედგინება საქართველოსა და საერთაშორისო ორგანიზაციებს შორის გაფორმებული შეთანხმების რამდენიმე დოკუმენტი და ასევე, რამდენიმე კანონპროექტის ინიცირება მოხდება.

ბიუროსთვის წარსადგენ კანონპროექტებს შორის არის „საქართველოს ადმინისტრაციულ სამართალდარღვევათა კოდექსში“ შესატანი ცვლილებების პროექტი, რომლის მიხედვითაც კარანტინის ან/და იზოლაციის წესების დარღვევა გამოიწვევს ფიზიკური პირის დაჯარიმებას 3 000 ლარის ოდენობით, ხოლო იურიდიული პირის დაჯარიმებას 15 000 ლარის ოდენობით.

აღსანიშნავია, რომ 21 მარტს ქვეყანაში საგანგებო მდგომარეობის გამოცხადების შემდეგ, პარლამენტში ბიუროსა და საგაზაფხულო სესიის პლენარული სხდომები არ ჩატარებულა.

ავტორი: ექსპრესნიუსი,

სოციალური ქსელები

კალასი: უკრაინასთან დაკავშირებით სამშვიდობო შეთანხმება ევროკავშირის მონაწილეობის გარეშე შეუძლებელია

სენატორმა ბერნი სანდერსმა დემოკრატებს მოუწოდა, შეწყვიტონ აშშ-ის მიერ ირანის წინააღმდეგ ომის დაფინანსება

ტრამპმა უკრაინასთან დაკავშირებით მოლაპარაკებები გამოაცხადა და ევროპის მონაწილეობით მნიშვნელოვანი შეთანხმების მიღწევა დაანონსა

გუდაურსა და კობს შორის, მისაბმელიანი და ნახევრადმისაბმელიანი ავტოტრანსპორტის მოძრაობა დროებით შეიზღუდა