ამერიკის შეერთებული შტატების პრეზიდენტის, ჯო ბაიდენის განცხადებით, ისრაელს ჯერ არ მიუღია გადაწყვეტილება, თუ როგორ უპასუხებს ირანის სარაკეტო თავდასხმას.

ბაიდენის თქმით, ისრაელი არ აპირებს დაუყოვნებლივ მიიღოს გადაწყვეტილება.

როგორც ბაიდენი აღნიშნავს, ისრაელის ადგილზე რომ ყოფილიყო, ირანის ნავთობსაბადოებზე დარტყმების ნაცვლად სხვა ალტერნატივებზეც დაფიქრდებოდა.

“ვვარაუდობ, რომ როდესაც ისინი შეაფასებენ, თუ როგორი რეაგირება ექნებათ, დისკუსიას შემდეგ გავმართავთ“,- განაცხადა ბაიდენმა თეთრ სახლში გამართულ ბრიფინგზე.