რუსეთის ძალებმა უკრაინის ქალაქი ხერსონი უპილოტო საფრენი აპარატებით დაბომბეს. ამის შესახებ ინფორმაციას უკრაინული მედია ავრცელებს.

როგორც ხერსონის საოლქო პროკურატურაშიც აცხადებენ, რუსეთის დაბომბვას 75 წლის ქალი ემსხვერპლა.

"ხერსონის ოლქის პროკურატურის პროცედურული ხელმძღვანელობით, დაწყებულია წინასწარი გამოძიება სისხლის სამართლის საქმეზე ომის კანონებისა და ჩვეულებების დარღვევის ფაქტებზე", - ნათქვამია განცხადებაში.