ტაჯიკეთის დედაქალაქ დუშანბეში მიმდინარე ძიუდოს ახალგაზრდულ მსოფლიო ჩემპიონატზე ქართველმა ძიუდოისტმა, ლუკა ჯავახიშვილმა (81კგ) ჩინელ ძიუდოისტს, ჯიანან ვანგის იპონით სძლია და ოქროს მედლის მფლობელი გახდა.

ამის შესახებ ინფორმაციას საქართველოს ძიუდოს ფედერაცია ავრცელებს.

ფედერაციის ცნობით, შეხვედრა საკმაოდ დაძაბული აღმოჩნდა, თუმცა საფინალო შეხვედრის დასრულებამდე 2 წუთით ადრე ჯავახიშვილმა მომგებიანი გდება შეასრულა.