უმრავლესობის არქონის მიუხედავად, ევროკავშირმა ჩინურ ელექტრომობილებზე უფრო მკაცრი ტარიფების დაწესების გადაწყვეტილება მიიღო. ამის შესახებ ინფორმაციას Euronews-ი ავრცელებს.

შედეგად ჩინურ ელექტრომობილების მწარმოებლები ევროკავშირში ექსპორტის დროს მაღალ ტარიფს გადაიხდიან.

მედიის ცნობით, ინიციატივას მხარი 10 ქვეყანამ დაუჭირა, მათ შორის იყვნენ საფრანგეთი, იტალია და ნიდერლანდები.

"ხმის მიცემისგან თავი შეიკავა 12-მა სახელმწიფომ. ეს ქვეყნებია: ბელგია, ხორვატია, ჩეხეთის რესპუბლიკა, საბერძნეთი, ესპანეთი, კვიპროსი, ლუქსემბურგი, ავსტრია, პორტუგალია, რუმინეთი, შვედეთი და ფინეთი",- წერს მედია.