საქართველოს ეროვნული ბოტანიკური ბაღი 28-29 სექტემბერს, 12:00-დან 18:00- საათამდე “პურის ფესტივალს“ უმასპინძლებს. ამის შესახებ ინფორმაციას თბილისის მერია ავრცელებს.

მერიის ცნობით, ღონისძიების ფარგლებში, საქართველოში მოქმედი პურის მწარმოებელი კომპანიების სარეალიზაციო პროდუქცია იქნება წარმოდგენილი.

მათივე ინფორმაციით, დამთვალიერებელი, ორი დღის განმავლობაში, ასევე იხილავს შემეცნებით ილუსტრაციას ხორბლის ქართული ენდემური სახეობების გავრცელების შესახებ. ფესტივალს მუსიკალურად ბენდი გააფორმებს.