კომპანია „ახალი ხედვა“   მომხმარებლებს   ორთოპედიულ   პროდუქციას   2012   წლიდან სთავაზობს.   დედაქალაქის   გარდა, კომპანია  გორში,  ქუთაისსა და ბათუმში 12 ორთოპედიული მაღაზიით არის   წარმოდგენილი.  ,,ახალი  ხედვის” ფილიალებში  საერთაშორისო ექსკლუზიური   ბრენდების   მიერ   წარმოებული   მაღალი ხარისხის პროდუქცია ოპტიმალურ ფასებშია ხელმისაწვდომი.სამედიცინო კომპანია მომხმარებელს ექსკლუზიური ბრენდების Sigvaris-ის, Morsa-ს Cyberg-ის ,Bauerfeind-ის, Berger-ის  და სხვა საერთაშორისო მწარმოებლების პროდუქციას სთავაზობს. სამედიცინო ჯგუფი „ახალი ხედვა“ აქტიურად მუშაობს როგორც იმპორტისა და დისტრიბუციის, ასევე ინდივიდუალური, სპეციალიზირებული შეკვეთების მიმართულებით.

რა ორთოპედიულ პროდუქტებს გვთავაზობს კომპანია “ახალი ხედვა”?

კომპანია “ახალი ხედვა” მომხმარებლებს ორთოპედიული დანიშნულების მქონე სხვადასხვა  სამედიცინო ნივთს სთავაზობს. ეს მიმართულება ძირითადად ორთოპედიულ ბალიშებს, ფიქსატორებს,  წელის კორსეტებსა და ქამრებს მოიცავს. ორთოპედიული პროდუქტების მაღაზიაში  ერთ-ერთ მოთხოვნად პროდუქტებს შორისაა ფიქსატორები, რომლებსაც ადამიანები სხვადასხვა მიზნით იყენებენ. განვიხილოთ, რამდენიმე მათგანი:

• იდაყვის ფიქსატორი -  იდაყვის სახსრის ტრავმის სამკურნალოდ,ფიზიკური დატვირთვის,იდაყვის მყესის დაჭიმულობის ან ანთების დროს, ასევე მექანიკური დაზიანებისგან თავის ასარიდებლად გამოიყენება. ის  ამცირებს ტკივილს, გამოყოფს და ინარჩუნებს სითბოს. ამ  პროდუქტის ტარება   მთელი დღის განმავლობაში, მათ შორის ყოველდღიური საქმიანობისას, საკმაოდ კომფორტულია.
• ტერფის ფიქსატორი -  ტერფის ან წვივის ტრავმების,ქუსლის დეზის,აქილევსის მყესის ანთების დროს და სხვადასხვა დაავადების გაჩენისგან პრევენციისა და ბრტყელტერფიანობის შემთხვევაში გამოიყენება.  ის ეფექტურია ცერა თითის დეფორმაციის, ბურსიტისა და ქუსლის ტკივილის საწინააღმდეგოდ.
• მენჯ-ბარძაყის ფიქსატორი - სხეულის ამ ნაწილის სახსრის დაზიანების,კოქსართროზის,ბარძაყის ძვლის მოტეხილობის და ოპერაციის შემდგომ პერიოდში გამოიყენება. პაციენტები ბარძაყის დამჭერს ბარძაყის კუნთების ტკივილისა და დაჭიმულობის  დროსაც ატარებენ. ეს ფიქსატორი ხელს უწყობს  რეაბილიტაციის პერიოდის დაჩქარებასა და ტკივილების შემსუბუქებას.რაც შეეხება საზარდულის თიაქრის ქამარს,ის სპეციალური ბალიშის მეშვეობით აფიქსირებს სუსტ წერტილს და ამცირებს დისკომფორტს.
• წელის ორთოპედიული კორსეტები და ქამრები - ინიშნება ხერხემლის თიაქრის,ოსტეოქონდროზის,ოსტეოპოროზის და წელკავის დროს.ეს სამედიცინო პროდუქტები აფიქსირებს წელის არეს,ხსნის დამატებით დატვირთვას და იცავს ხერხემალსა თუ მის კონკრეტულ ნაწილს დამატებითი დაზიანებისგან.მატყლის წელის კორსეტი კი ინარჩუნებს სითბოს და იდეალურია რევმატული ხასიათის ტკივილის შესამსუბუქებლად.

თბილისის გარდა, კომპანია „ახალი ხედვა“  საქართველოს სამ რეგიონში   12 საფირმო ფილიალით არის წარმოდგენილი. სასურველი ნივთის შეძენა ასევე შესაძლებელია კომპანიის ოფიციალურ ვებ-გვერდზე, ონლაინ რეჟიმში. აღსანიშნავია, რომ კომპანია მომხმარებლებს უმაღლესი ხარისხის პროდუქტებს ოპტიმალურ ფასებში სთავაზობს. მისი ერთ-ერთი პარტნიორია თურქული ორთოპედიული პროდუქციის მწარმოებელი ლიდერი კომპანია - მორსა/MorsaCyberg, რომელიც თავის ნაწარმს  მსოფლიოს 40-ზე მეტ ქვეყანას აწვდის. Morsa Orthopedics მომხმარებელს სთავაზობს 200-ზე მეტ პროდუქტს,კომპანია საქართველოში  „ახალი ხედვის“ ექსკლუზიური პარტნიორია.