კორონავირუსით გამოწვეულ ეკონომიკურ კრიზისთან დაკავშირებით ევროპული საქართველო მთავრობას ინიციატივით მიმართავს, სავალდებული საპენსიო შენატანები 8 თვით შეჩერდეს.

ამის შესახებ განცხადებას „ევროპული საქართველო“ ავრცელებს.

მათივე ინფორმაციით, პოლიტიკურ პარტიას უკვე წარმოდგენილი აქვს კორონავირუსით გამოწვეულ ეკონომიკურ კრიზისთან ბრძოლის შესაბამისი გეგმა.

„შედეგად, დასაქმებულების ჯიბეში 108.2 მლნ ლარი დარჩება,  რასაც ისინი თავიანთი მზარდი ხარჯების დასაფარავად გამოიყენებენ; მეწარმეებსა და დამსაქმებლებს დარჩებათ 83.1 მლნ ლარი, რაც შეასუსტებს სამუშაო ადგილების დაკარგვას და უმუშევრობის ზრდას;  სახელმწიფო ბიუჯეტში გამოთავისუფლდება 133.3 მლნ ლარი, რაც საჭირო იქნება ჯანდაცვისა და სოციალური ხარჯების დასაფარავად.

ევროპულ საქართველოს უკვე წარმოდგენილი აქვს კორონავირუსით გამოწვეულ ეკონომიკურ კრიზისთან ბრძოლის გეგმა და გეგმის მიხედვით, უნდა მოხდეს:
1) 2020 წელსვე საშემოსავლო გადასახადის 20%-დან 17%-მდე შემცირება, რაც 380 მლნ ლარს დაუტოვებს მოქალაქეებს ჯიბეში;
2) ქონების გადასახადის განახევრება, რაც 195 მლნ ლარს დაუტოვებს მეწარმეებს და
3) ნავთობპროდუქტებზე აქციზის გადასახადის 25%-ით შემცირება, რაც საწვავზე ფასს 8-10 თეთრით შეამცირებს და ეს ასევე აისახება ფასების ზოგად შემცირებაზე.

ეს ყველაფერი მეტ ფულს დაუტოვებს მოქალაქეებს, დადებით გავლენას იქონიებს ეკონომიკური ზრდის ტემპზე და შეაცერებს ფასების ზრდას“, - ნათქვამია „ევროპული საქართველოს“ ინფორმაციაში.

ავტორი: ექსპრესნიუსი,

სოციალური ქსელები

დუნაის დაბლა დაწევამ უნგრეთში, ბოლო 44 წლის განმავლობაში პირველად, ატომური ელექტროსადგურის სრული გაჩერება გამოიწვია

ტრამპი აცხადებს, რომ თუ შეთანხმება სწრაფად იქნება მიღწეული, ის თავს შეიკავებს ირანზე დარტყმისგან

დრონები თავს დაესხნენ სარატოვში ნავთობგადამამუშავებელ ქარხანას და ენგელსის აეროდრომს

რუსეთში დრონის თავდასხმის შემდეგ Wildberries-ის კიდევ ერთ დიდ საწყობს ცეცხლი გაუჩნდა