"არავინ ჩაეხუტა, ქეითი მას არც უყურებდა": მეგობრებმა მეგან მარკლის სამეფო ოჯახთან ბოლო შეხვედრაზე ისაუბრეს

2020-03-13 14:07:40, 6441 ნახვა

Lifestyle

პრინც ჰარის და მეგან მარკლს სამეფო ოჯახის ტიტულებს და რეგალიებს ოფიციალურად 31 მარტს ჩამოართმევენ. მათ სასექსების ოჯახის მაღალი წოდება აღარ ექნებათ და ცხოვრებას დამოუკიდებლად გააგრძელებენ.

მეგან მარკლის მეგობრებისგან ცნობილი გახდა, რომ მსახიობი სამეფო ოჯახზე ნაწყენია, რადგან ლონდონში ბოლო ვიზიტის დროს მას ძალიან ცივად დახვდნენ.

სამეფო ოჯახი სრული შემადგენლობით საჯაროდ 9 მარტს გამოჩნდა. შეხვედრის შემდეგ მეგანმა მეგობრებს უამბო ის გარემოება, რომ სამეფო ოჯახი მას ძალიან ცივად მოექცა.

"შეხვედრაზე ყველა დაძაბული და აღელვებული იყო. მეგანს არავინ უახლოვდებოდა და ქეითი მას თვალს მუდმივად აშორებდა. გასაგები იყო, რომ ოჯახი მეგანის და ჰარის გადაწყვეტილებით უკმაყოფილოა. მას (მეგანს) არ უნდა არჩის აღზრდა ოჯახში, სადაც ის სითბოს ვერ იგრძნობს. ის შექმნის გარემოს, სადაც გრძნობების გამოვლენის პრობლემა არავის ექმნება. ამ შეხვედრამ მეგანი მიღებული გადაწპვეტილების სისწორეში საბოლოოდ დაარწმუნა", - უთხრა Daily Mail-ს ინსაიდერმა.

Patreon P მხარი დაუჭირე "ექსპრესნიუსს" →

ავტორი: გიორგი ბაზაევი, ექსპრესნიუსის რეპორტიორი 2010 წლიდან