ესტონეთის რესპუბლიკის თავდაცვის ატაშემ ტეტ კივისონმა საქართველოში მოღვაწეობა დაასრულა. ვიცე-პოლკოვნიკი ტეტ კივისონი გამგზავრებამდე საქართველოსა და ესტონეთს შორის ორმხრივი ურთიერთობის გაღრმავებისა და საქართველოს შეიარაღებული ძალების განვითარებაში შეტანილი წვლილისათვის მედლით „გენერალი მაზნიაშვილი“ დაჯილდოვდა.

თავდაცვის ატაშეს მედალი საქართველოს შეიარაღებული ძალების გენერალური შტაბის უფროსის მოადგილემ, პოლკოვნიკმა რომან ჯოხაძემ გადასცა, გაწეული სამსახურისთვის მადლობა გადაუხადა და წარმატებები უსურვა.

ესტონეთის რესპუბლიკის საელჩოში გამართულ საზეიმო მიღებას თავდაცვის მინისტრის მოადგილე ანა დოლიძე, გენერალური შტაბის უფროსის მოადგილე, პოლკოვნიკი ომარ ბეგოიძე, საქართველოს შეიარაღებული ძალებისა და დიპლომატიური კორპუსის წარმომადგენლები დაესწრნენ.

ვიცე-პოლკოვნიკი ტეტ კივისონი საქართველოში ესტონეთის რესპუბლიკის თავდაცვის ატაშეს თანამდებობაზე სამი წლის განმავლობაში მუშაობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ