2020-02-04 18:03:02, 1194 ნახვა
საზოგადოება
განათლების სამინისტროსთან სტუდენტები აქციას მართავენ
საქართველოს განათლების სამინისტროსთან კიევის უნივერსიტეტის სტუდენტები აქციას მართავენ.
ისინი მოითხოვენ, რომ გაუქმდეს უნარების გამოცდა, რომელიც საზღვარგარეთ არსებული უნივერსიტეტებიდან საქართველოს უნივერსიტეტებში მობილობის შემთხვევაშია საჭირო. აქციაზე იმყოფებიან მოძრაობა „შეცვალეს“ წევრებიც.
ცოტა ხნის წინ ადგილზე შეკრებილებმა უზნაძის კვეთაზე ავტომობილების სავალი ნაწილის გადაკეტვა სცადეს, თუმცა სამართალდამცავებმა მათ ტერიტორია დაატოვებინეს.
აქციის მონაწილეების თქმით, პროტესტი იქამდე გაგრძელდება, სანამ სამინისტრო მათ მოთხოვნას არ დააკმაყოფილებს.
ავტორი: ექსპრესნიუსი,
epn.ge (@expressnews.ge)
